POP 5

Lajmet më të lexuara të 5 minutave të fundit

Receta

Të gatuajmë me Zonjën Vjollca/ Tortë me bajame të karamelizuara dhe Peshk me finok e speca të kuq

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08:45 – 10:00.

Receta e parë: Tortë me bajame të karamelizuara

Përbërësit:

Baza e tortës:

200 ml krem pana( ëmbëlsire)

3 kokrra vezë

150 gr sheqer

220 gr miell

½ pako pluhur pjekës

Shtresa e dytë:

150 gr gjalp ambienti

100 gr sheqer

3 vezë

Aromatik bajamesh

150 gr miell bajame

50 gr miell

50 gr bajame feta

Përgatitja:

Në një tas vendosim 200 ml pana, 3 kokrra vezë, 150 gr sheqer dhe i trazojmë të gjitha këto me tel dore deri sa sheqeri të shkrijë. Përziejmë miellin me pluhurin pjekës dhe e shtojmë gradualisht në tas. Na formohet një brumë i plotë të cilin e vendosim në një tepsi të lyer me gjalp dhe pak mish. Më pas e vendosim në furrë në temperaturën 185ºC për 15 minuta. Gjatë kësaj kohe në një tas tjetër rrahim gjalpin me sheqerin deri sa sheqeri shkrin. Shtojmë vezët , aromatizuesin e bajameve, miellin dhe i përziejmë mirë. Nxjerrim tespin nga furra pasi të kenë kaluar 15 minuta dhe ajo të zverdhet pak e të ketë zënë kore.

Shpërndajmë mbi tespi komplet masën që kemi përzier në tasin e dytë dhe e nivelojmë mirë. E spërkatim me bajamet feta duke i ngjeshur pak në brumin e përgatitur me nivelin e bajameve. Vendosim përsëri tepsinë në furrë për 20 minuta të tjera në temperaturë 180ºC. Më pas e nxjerrim, e ftohim për 20 minuta dhe mund ta shërbejmë.

Tortë me bajame të karamelizuara

Receta e dytë: Peshk me finok dhe speca të kuq

Përgatitja:

2 lugë gjelle vaj ulliri

3 thelpinj hudhër

½ spec pikant

1 lugë gjelle kaperi

400 gr finok

1 spec i kuq

100 ml verë e bardhë

700 gr peshk

Kripë, piper, kopër

1 limon

Përgatitja:

Në një tigan të thellë vendosim 2 lugë gjelle vaj ulliri dhe sa të ngriohet vaji do të hedhim në të gjysmën e specit pikant të pa prerë në copa, sa të aromatizojmë  vajin. Në të njëjtën kohë shtojmë hudhrat e pagrira, kaperin e copëtuar për 1-2 minuta.

Pastrojmë finokun dhe e presim në feta vertikalisht. Menjëherë shtojmë finokun në tigan dhe e kaurdisim atë në temperaturë mesatare me qëllim që të mos na marrë ngjyrë, vetëm të ulë volumin e tij. Shtojmë kripë, specat e kuq dhe i shuajmë me verë të bardhë.

Ndërkohë peshkun e kemi pastruar dhe i bëjmë 4-5 prerje të holla në lëkurë (jo shumë të holla). Marinojmë peshkun me vaj ulliri( e lyejmë mirë peshkun) e pak kripë.

Në një tihan të ngrohtë në zjarr vendosim një letër pjekje. Mbi të vendosim peshkun e marinuar duke e lënë 5 minuta nga njëra anë. Më pas e kthejmë dhe e pjekim nga ana tjetër. Tek pjata që marinuam peshkun shtojmë 1 lugë e gjysëm lëng limoni dhe e trazojmë me vajin që ka mbetur në pjatë. Në momentin që peshku ka përfunduar pjekjen, e spërkatim me të për 1 minutë në tigan. Servirim në një pjatancë finokun dhe specat dhe mbi të vendosim një peshk të pjekur.

Peshk me finok dhe speca të kuq

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qenë për ju viti 2024?

Lajme të tjera



×

Lajmi i fundit

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

26 Dhjetor, 23:06