Përbërësit: 2 peta sfoliatë 3-4 mollë 200 gr krem pastiçerie 30 gr sheqer kaf 2 lugë gjelle prevede kajsie Letër pjekje Kremi i pastiçerisë: 200 ml qumësht 1 lugë gjelle niseshte 2 të verdha veze Vanilje 40 gr sheqer pluhur Lëkurë limoni Përgatitja : Fillimisht përgatisim kremin e pastiçerisë. Vendosim qumështin të vaket duke future në të një shkop vanilje. Rrahim të verdhat e vezëve me sheqerin deri sa sheqeri të shkrijë dhe volume i vezëve të rritet. Shtojmë niseshtenë, e përziejmë së bashku me vezët deri sa të formohet një krem i trashë. Shtojmë pak qumësht të ftohtë dhe e hollojmë kremin. Shtojmë kremin në tenxhere, e përziejmë vazhdimisht deri san a formohet një masë e trashë . e lëmë të marrë valë dhe më pas e largojmë duke e trazuar vazhdimisht me tel që të ftohet pak. I vendosim celefon direkt mbi krem dhe e ftohim në frigorifer. Në një tepsi shtrojmë letër pjekje dhe mbi të vendosim petën sfoliatë. Palosim anët që të formojnë një kërce kur të piqet. Shpojmë me pirun bazën e petës. Mbi petë përhapim 2-3 lugë gjelle krem pastiçerie të ftohtë. Presim mollën në gjysma dhe duke filluar nga ana e kundërt ( horizontalisht), presim feta shumë të holla me trashësi 2mm. I vendosim ato si tjegulla njëra pas tjetrës në komplet pjesën anësore në formën e një rrethi. Presim një shirit brumi 2,5 cm të trashë dhe e mbështesim pas mollëve që vendosëm. Vazhdojmë me rrethin e dytë të mollëve duke i vendosur rreth e qark shiritit të brumit. Përsëri vendosim një shirit brumi dhe vazhdojmë me feta molle të mbështetura pas shiritit. Kështu vazhdojmë deri sa rrethi zvogëlohet deri në qendër të tepsisë. Në fund e pudrosim me pak sheqer kaf dhe e vendosim në furrë në temperaturën 200ºC për 25-30 minuta. Në fund , kur e nxjerrim nga furra e lyejmë me një furçë me prevede pjeshke, e pudrosim me sheqer pluhur dhe e shërbejmë. Receta e dytë : Turli me thjerrëza Përbërësit: 1 kokërr qepë 2 thelpinj hudhër 1 degë selino 1 patate 1 kungull 2 karrota 2 speca me ngjyrë ½ filxhan çaji thjerrëza 4 lugë gjelle vaj ulliri Gjethe dafine 2-3 lugë gjelle uthull Kripë dhe piper i zi Përgatitja : Hapi i parë : vendosim thjerrëzat në ujë të ftohtë dhe i lëmë si fasulet gjithë natën në ujë dhe më pas i shpëlajmë para se ti gatuajmë, ose i vendosim në valë për 5 minuta në temperaturë mesatare, i derdhim ujin dhe vijojmë si më poshtë : Në një tenxhere të thellë vendosim vajin e ullirit , qepën e prerë në kubikë , hudhrën e prerë në feta dhe i kaurdisim së bashku me patatet e prerë në kubikë ose shkopinj. Shtojmë karrotat, specat gjethet e dafinës dhe i kaurdisim sërish së bashku. Shtojmë thjerrëzat , 700 ml ujë të ngrohtë, kripë dhe piper të zi dhe i lëmë të ziejnë për 15 minuta dhe gjithçka është gati për tu shërbyer. Secili në pjatë mund të shtojë pak uthull dhe vaj ulliri të freskët. Shënim : Nëse dëshironi në këtë recetë mund të shtoni edhe domate ose pure domate. Ju bëftë mirë!
Lajme të tjera
Ndryshime kolosale këtë javë/ 'Alarm shenjat e ...' Horoskopi 4-10 nëntor nga Jorgo Pulla
4 Nëntor, 13:28
Supë me mish qengji nga gazetarja Admirina Peçi
31 Tetor, 11:47
Sallatë e egër me lëng shege nga Admirina Peçi
31 Tetor, 11:40
Hasude me arra sipas traditës matiane nga Admirina Peçi
31 Tetor, 11:34
‘Pa to, nuk kemi jetë’, Ja zakonet që po ju dëmtojnë veshkat / Altin Joka tregon ushqimet dhe bimët më të mira për shëndetin e veshkave
30 Tetor, 16:30
Bukë misri me djathë e majdanoz nga Niki dhe Eljani
30 Tetor, 12:23
Mish me xhinxhër dhe salcë soje nga Doreada Mio
29 Tetor, 11:21
'Nëntor i frikshëm', ja cilat shenja do të sprovohen nga ky muaj/ Astrologu Jorgo Pulla paralajmëron: Kujdes!
28 Tetor, 15:32
Supë kungulli sipas amvisës korçare Dhurata Dino
28 Tetor, 11:53
Po ta dinit se çfarë i bën dafina organizmit nuk do i ndaheshit/ Ja sëmundjet që kuron dhe si ta përdorni
21 Tetor, 16:14
Mundësi ideale ndryshimi! Kujdes në fundjavë, Jorgo Pulla paralajmëron…/ Horoskopi javor 21-27 tetor
21 Tetor, 12:21
Lakër e mbushur me qofte nga zonja Albana
18 Tetor, 11:38
