POP 5

Lajmet më të lexuara të 5 minutave të fundit

Receta

Të gatuajmë me Zonjën Vjollca/Bukë me djath e domate (në furrë) dhe Supe me fileto pule e fidhe

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 09 : 30 – 10 : 30

Përbërësit : 

100 gr gjalp

300 gr miell

110 ml qumësht

150 gr djath i bardhë

30 gr domate të thara

1 kokërr vezë

4 lugë gjelle fara kungulli

3 lugë kafe pluhur pjekës

Kripë

Përgatitja : 

Përziejmë në një tas përbërësit e ngurtë ( miell, pluhur pjekës, kripë), i përziejmë mirë dhe shtojmë gjalpin e butë.

Në një tas tjetër rrahim vezët, qumështin, domatet e copëtuara, djathin e prerë në kubikë dhe i përziejmë mirë të gjithë përbërësit e shtojmë pak nga pak miellin. I trazojmë duke mos i ngjeshur, por e lëmë brumin si një brum i trashë keku.

Lyejmë një tepsi me gjalp dhe vendosim brumin në të. E spërkasim sipër me fara kungulli dhe e vendosim tavën në furrë në temperaturën 200 gradë për 40 minuta deri sa sipërfaqja të marrë një ngjyrë kafe të artë. E lëmë të ftohet dhe e servirim pak të vakët.

Receta e dytë : Supë me fileto pule dhe fidhe

Përbërësit :

250 gr fileto pule

70 gr makarona të vogla (fidhe)

1 karrotë

1 qepë e vogël

1 dado pule + 800 ml ujë

Majdanoz

Kripë dhe piper i zi

Përgatitja :

Vendosim vajin në tenxhere dhe kaurdisim qepën të grirë hollë deri sa të zverdhet.

Lajmë fileton dhe e presim atë në kubikë të vegjël. Më pas i kaurdisim së bashku me qepën deri sa mishi të zverdhet.

Shtojmë karrotën e prerë në kubikë të vegjël dhe përsëri i kaurdisim për 2minuta. Rregullojmë shijen me kripë dhe piper të zi.

Shtojmë 800 ml ujë dhe 1 dado pule. Në momentin që supa fillon të ziejë , shtojmë fidhet (makaronat në formë elbi) dhe i lëmë të ziejnë sëbashku për 10 minuta. 5 minutat e fundit shtojmë majdanozin dhe pasi të kalojë 5 minutëshi, supa është gati për tu shërbyer.

Ju bëftë mirë !

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Berisha me gratë demokrate të LDG: Kjo është qeveria e Luciferit, shqiptarët kanë marrë arratinë! Ministret e Ramës pa forcë morale

Berisha me gratë demokrate të LDG: Kjo është qeveria e Luciferit, shqiptarët kanë marrë arratinë! Ministret e Ramës pa forcë morale

25 Dhjetor, 19:13