POP 5

Lajmet më të lexuara të 5 minutave të fundit

Receta

Të gatuajmë me Zonjën Vjollca/Tavë kosi me pulë e hudhra dhe Sallatë me kungull të njomë e karrota

Në këtë hapësirë të faqes tonë do të gjeni mënyrën e përgatitjes së recetave  të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08 : 45 – 10 : 00

Receta e parë: Tavë kosi me pulë dhe hudhra   

Përbërësit:

1 kg  mish pule miks

 500 ml ujë

 4-5 lgj miell

4 kokrra vezë

 1 kg kos

 6 thelpinj hudhër

 Kripë, piper i zi

 3 lgj gjalp ose 2 lgj vaj ulliri

 1 lugë kafe piper të kuq

Përgatitja:

Pasi ti kemi larë dhe tharë mirë copat e mishit të pulës i kaurdisim me pak yndyrë sa të zverdhen pak. Më pas shtojmë 500 ml ujë dhe e lemë mishin të ziejë për 20 minuta.

Në një tenxhere kaurdisim me yndyrën e mbetur 4 lugë miell. Sa të shohim që mielli fillon të ziejë pa i dhënë ngjyrë, e shuajmë me lëngun e mishit dhe e largojmë nga zjarri duke shtuar gradualisht kosin dhe duke e trazuar me tel dore.

Grijmë hudhrat imët dhe i shtojmë në kos. Rrahim më pas vezët, i shtojmë tek kosi me miell dhe në fund rregullojmë shijen me kripë dhe piper të zi.

Vendosim thelat e mishit në një tavë, shtojmë kosin duke i mbuluar copat e mishit. Shkrijmë 1 lugë gjalpë me pak piper të kuq dhe spërkasim sipërfaqen e tavës. E vendosim më pas mishin e pulës me kos dhe hudhra në furrën e parangrohur në temperaturën 180 gradë Celsius për 25 minuta.

Receta e dytë: Sallatë me kungull të njomë dhe karrota

Përbërësit:

400 gr kungull të njomë

 200 gr karrota

 100 gr kastravec

 150 gr rrepa të kuqe

 1 qepë e kuqe

 Kripë, piper i zi

 2 lgj uthull molle

 4 lgj vaj ulliri

 2 petë pjedini

Përgatitja:

Pasi t‘i kemi larë të gjitha perimet i grijmë në rende trashë. Në një tas të vogël përgatisim salcën marinuese duke trazuar uthullën me vaj ulliri, kripë dhe piper dhe më pas e shtojmë tek perimet.

Në një tigan pa yndyrë pjekim një petë tortilla, më pas e presim në copa katrore dhe vendosim mbi çdo copë nga një lugë sallatë të freskët.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Mat/ Humbi kontrollin e makinës, 40 vjeçari përplas për vdekje të moshuarin

Mat/ Humbi kontrollin e makinës, 40 vjeçari përplas për vdekje të moshuarin

26 Dhjetor, 18:43