'Tërmet tjetër nuk ndodhi. Erdhi përsëri lufta për bukën e gojës', gjendja fatkeqe e vendit pasqyrohet në tregimin e Petro Markos

'Tërmet tjetër nuk ndodhi. Erdhi përsëri lufta për bukën e gojës', gjendja fatkeqe e vendit pasqyrohet në tregimin e Petro Markos

Foto nga banorët pas tërmetit

Pas tërmetit tragjik të 26 nëntorit, shumë njerëz humbën të afërmit e shumë të tjerë mbetën pa shtëpi.

E njëjta gjë ndodh në çdo vend e në çdo kohë pas një tragjedie, njerëz pa shtëpi, të tjerë që vajtojnë e kërkojnë që të kenë ushqim apo një vend ku të fusin kokën.

Këtë situatë fatkeqe që po kalon Shqipëria e ka trajtuar në mënyrë të rrallë shkrimtari i njohur Petro Marko, në librin e tij “Intervistë me vetveten”.

Libri autobiografik është botuar në vitin 2000, 10 vite pas vdekjes së Petro Markos.

Shkrimtari shqiptar përfshin një jetë plot dhimbje e vuajtje, internime dhe sfida të ndryshme të një poeti, gazetari, por edhe të një heroi vigjilent i cili kundërshtoi padrejtësitë që i bëheshin shoqërisë dhe popullit shqiptar në përgjithësi. 

Pjesë nga tregimi:

“Me këtë rast dua të bëj një parantezë për karakterin e fshatarëve të mi: para një viti kishte rënë tërmet. Shkaktoi dëme të mëdha, madje edhe të vdekur. Kryqi i Kuq Ndërkombëtar dhe shtetet fqinje dërguan ndihma të mëdha. Vodhi qeveria, vodhën autoritetet e fshatit, po mbeti dhe për fshatarët.

U nda miell e sheqer, makarona e kuti mishi, voza me sardele, tesha, mbulesa dhe para. Neve, për një të çarë të murit, na dhanë dyzet napolona. Kështu që fshati i madh, pasi ra në bollëk, harroi të vdekurit dhe me atë bollëk kërciste vera e rakia, byrekët, shqerrat e kecërit e pjekur!

Hanin, pinin e këndonin si në dasma. Mirëpo për pak muaj i mbaruan dhe nisën të qanin të vdekurit…

Dhe ngjau shakaja më e madhe e atyre viteve: Prifti Parthemo, që ishte dhe shakaxhi, pasi bënte meshën një të diel në kishën e madhe të Shën Spiridonit, doli me kryqin e madh aty në mes të dyerve të ajodhimës dhe bërtiti:

 Gjunjëzohuni!

Të gjithë u llahtarisën dhe u gjunjëzuan.

– Tani, – thirri ai, – lutuni të na vijë tërmeti tjetër, se i mbaruam!

Po tërmeti tjetër nuk erdhi. Erdhi përsëri lufta për bukën e gojës.”

Pjesë nga libri

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    'Rasti Qefalia', a fshihen gjobat pas akuzave të Këlliçit, Nokës, opozitës?



×

Lajmi i fundit

Goditi me grusht Halit Valterin, Tedi Blushi del nga komisariati: Ishte provokim, do marrin përgjigjen që meritojnë

Goditi me grusht Halit Valterin, Tedi Blushi del nga komisariati: Ishte provokim, do marrin përgjigjen që meritojnë