Ka nisur në Nju Jork procesi gjyqësor civil ndaj ish-Presidenti Donald Trump. Vetë Trump është pjesëmarrës në gjyq me kërkesë të tij.
‘Do të shkoj në gjykatë nesër në mëngjes për të mbrojtur emrin dhe reputacionin tim”, shkruante Trump të dielën në mbrëmje në platformën e tij sociale “Truth Social”.
Dhe ky zhvillim shihet si një gjë e rrallë, në një kohë kur kontrolli i disa prej pronave më të rëndësishme të tij ndodhet në rrezik.
Trump sulmoi më herët Prokuroren e Përgjithshme të Nju Jorkut Letitia James, si dhe gjykatësin Arthur Engoron që e shpalli fajtor për mashtrim lidhur me praktikat e tij të biznesit.
“E gjithë kjo çështje është një mashtrim. Shihemi në gjykatë, të hënën në mëngjes", shkruante Trump.
Ai është përballur në gjykatë me prokuroren duke thënë: "Kemi një prokurore të përgjithshme raciste, që është një horror i vërtetë, që është e fiksuar të më godasë pa ditur asgjë për mua. Ajo e përdori këtë fushatë për të kandiduar për guvernatore dhe dështoi. Pasi dështoi, ajo tha: tani do t’i rikthehem dosjes së Trump. Kjo është e gjitha, është një mashtrim, një shtirje"
Zyra e prokurores James e ka akuzuar Trump dhe kompaninë e tij se mashtrojnë me pasqyrat financiare të pronave të tij. Ajo ka kërkuar që Trump të paguajë një gjobë prej 250 milionë $ dhe ai të mos lejohet të bëjë biznes në Nju Jork.
Ish-Presidenti ka hedhur poshtë pohimet se ka bërë shkelje, duke thënë se askush nuk është dëmtuar nga pasqyrat financiare. Partnerët e biznesit kanë fituar para dhe kompania e tij ka lulëzuar gjithashtu. Gjyqi në Nju Jork mbi praktikat e biznesit të Trump mund të zgjasë deri në dhjetor sipas gjykatësit Engoron.
Duke folur me gazetarët pak para se të hynte në sallën e gjyqit, Trump kritikoi gjyqtarin dhe prokurorin e përgjithshëm të Nju Jorkut që ngriti çështjen, për të cilën ai tha se është i motivuar politikisht.
Ai ka thënë gjithashtu se gjithçka është një mashtrim dhe apeloi që amerikanët të mos besojnë asgjë që lexojnë.
“Kur t’i hidhni një sy pasqyrës time financiare, mos besoni asgjë që lexoni. Gjithçka është një mashtrim”, tha Trump.
Trump dyshohet se kreu mashtrim duke rritur vazhdimisht pasurinë e tij me qindra miliona dollarë në mënyrë të jashtëligjshme. Prokurori i përgjithshëm i NY po kërkon një gjobë prej 250 milionë dollarësh (204 milionë £) dhe një ndalim për të bërë biznes në shtetin e tij të origjinës.
Komente
Lajme të tjera
-
‘Studio Live’, avokati Islami: ‘Berisha do arrestohet, non grata s'i hiqet! Nuk do ketë zgjedhje!’ Balliu sulmon Bashën si ‘dështak’: Kam votuar Olldashin!
26 Dhjetor, 18:14 -
Ish-diplomati amerikan paralajmëron: SHBA-ja nuk do të ketë më qasje tradicionale ndaj Kosovës dhe Serbisë
26 Dhjetor, 15:27 -
NBA/ LeBron fiton 'betejën' me Curry-n, mposhten kampionët e Boston
26 Dhjetor, 13:51 -
Fluturimi i dronit në Shtëpinë e Bardhë, urimet e fundit për festat e fundvitit të Biden për amerikanët
26 Dhjetor, 11:52 -
Pesë pyetje për 2025-ën
26 Dhjetor, 08:23 -
Realizohet me sukses teleportimi i parë kuantik, na afron më shumë me të ardhmen!
25 Dhjetor, 21:44 -
Ylli Pata: Legjendat elektoralo-amerikane të Sali Berishës
25 Dhjetor, 20:00
-
Analiza e VOA: Demokracia në provë në Evropën Lindore mes akuzave për ndërhyrje nga Rusia
25 Dhjetor, 19:34 -
Elon Musk: Mos dhuroni më asnjë qindarkë për Wikipedia-n, kontrollohet nga ekstremi i majtë
25 Dhjetor, 19:23 -
Planet e administratës Trump për t’i dhënë fund luftës në Gazë
25 Dhjetor, 16:49 -
Dyndje për festat! 'Bien' linjat ajrore amerikane, bllokohen mijëra fluturime
25 Dhjetor, 15:55 -
Një mrekulli Krishtlindjesh! Mendonte se ishte fëmijë i vetëm, 75-vjeçari takohet për herë të parë me vëllezërit dhe motrën
25 Dhjetor, 15:44
