POP 5

Lajmet më të lexuara të 5 minutave të fundit

Kronikë

DETAJE/ Kush është Evis Berberi, krahu i djathtë i Belinda Ballukut! U tremb kur SPAK i vuri prangat! I gjejnë 4 mln lekë cash në banesë

Evis Berberi, njeriu i ngushë i Zv/Kryeministres Belinda Balluku, në të njëjtën kohë Ministre e Energjisë, dhe pse ishte informuar për një arrestim të mundshëm nga SPAK që prej një viti e mbante në vëzhgim, kur agjentet e BKH iu afruan dhe i vendosën prangat, pranë shtëpisë së tij, u trondit

Evis Berberi, njeriu i ngushë i Zv/Kryeministres Belinda Balluku, në të njëjtën kohë Ministre e Energjisë, dhe pse ishte informuar për një arrestim të mundshëm nga SPAK që prej një viti e mbante në vëzhgim, kur agjentet e BKH iu afruan dhe i vendosën prangat, pranë shtëpisë së tij, u trondit. Burime për Report TV, tregojnë si ai u frikësua, dhe për një moment kundërshtoi.

Berberi, kreu i Autoritetit Rrugor Shqiptar, edhe pse ishte përfolur për dorëheqje nga posti, në të vertetë deri dy orë para arrestimit ndodhej në zyrën e tij.

Imazhi i Berberit është pak i njohur në publik, por në inspektimet e rrugëve nga Belinda Balluku, ai, një djal i ri, qëndron gjithnjë pranë saj, në krah të djathtë, duke e informuar për ecurinë e projekteve nga unaza e madhe e Tiranës, rruga e Arbërit, tuneli i Llogarasë apo rrugët e tjera në vendit. Rrugën drejt krimit, sipas hetimeve, Berberi duket se e nisi, kur u emërua këshilltar e Ballukut, në Ministrinë e Infrastrukturës dhe Energjisë, me shitjen e kompanisë “ Daam ”sh.p.k,” në vitin 2019, ku dyshohet për transferim fiktiv me qëllim që të shmangte konfliktin e interesit. Spak e akuzon Berberin për për veprat penale: “Korrupsion pasiv dhe pastrim parash kryer në bashkëpunim.

Dy miqtë e tij, biznesmenë, u arrestuan menjëherë pas Berberit.  Valter Begaj, që u gjet në studion e tij tek “Piazza”, akuzohet nga Spak për Korrupsioni aktiv e pastrim parash, kryer në bashkëpunim. Miku tjetër i Berberit, Ervis Lami, i cili u arrestua në shtëpi, në Kodër Kamëz, akuzohet njëjtë si Valter Begaj.

Gjatë kontrolleve në banesën, nga agjentët e BKH-së dhe SPAK, mësohet se drejtorit të ARRSH-së iu janë gjetur disa piktura me vlerë mijëra euro, dhe sasi parash mbi 15 mijë euro, 3 mijë paund dhe 1.4 milionë lekë. Piktura e gjetura janë konsideruar si ryshfet nga SPAK, por Evis Beberi pretendon të jetë artist duke pohuar se i kishte bërë vetë ai dhe se nuk ishin blerë.


Lajmi kryesor:

Arrestohet drejtori i ARRSH-së e dy biznesmenë ortakë! SPAK: Evis Berberi i dha 6 tendera kompanisë së vet! U përfituan 2.2 milionë euro
M.Q./SI.E./Shqiptarja.com
  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

SHBA, një avion me 64 pasagjerë në bord përplaset me një helikopter ushtarak në Uashington, ka viktima

SHBA, një avion me 64 pasagjerë në bord përplaset me një helikopter ushtarak në Uashington, ka viktima

30 Janar, 07:16