POP 5

Lajmet më të lexuara të 5 minutave të fundit

Kronikë

U arrestua për abuzim seksual me të miturën, ekspertiza e nxjerr impotent, lirohet nga qelia 60-vjeçari lezhjan

Ngjarja në Lezhë që u denoncua në janar 2020 për kryerje marrëdhënie seksuale me të mitur, përfundon në gjykatë me akuzën e “Drejtim mjeti në gjendje të dehur”. Gjykata liron nga burgu V.N. dhe e mbyll në “arrest shtëpie”.

U arrestua për abuzim seksual me të miturën, ekspertiza e nxjerr impotent, lirohet nga qelia 60-vjeçari lezhjan

V.N. 60-vjeç i arrestuar nga prokuroria e Lezhës në 17 janar 2020 për akuzën e “Marrëdhënieve Seksuale ose homoseksuale me persona të pazotë për tu mbrojtur”, “Ngacmim Seksual” dhe “Drejtimi i automjeteve në gjendje të dehur”, është liruar nga burgu. Vendimi u mor nga gjykata e Lezhës, me kërkesë të prokurorisë së qytetit, ku që prej fillimit të muajit Mars 2020, ndaj V.N. është zëvendësuar masa e sigurisë nga “arrest në burg” në “arrest në shtëpi”. Kjo vendimmarrje për lirimin e 60-vjeçarit erdhi si rezultat i hetimeve të kryera nga prokuroria, e cila pasi administroi aktet e ekspertimit nga instituti i mjekësisë ligjore, doli në përfundimin se V.N. ishte impotent.

Ndërsa vajza e mitur, vetëm 8-vjeç, rezultoi se ishte e padefloruar (e virgjër). Nisur nga këto përgjigje të ardhura nga mjekësia-ligjore, prokuroria e Lezhës në muajin Mars ka depozituar kërkesën në gjykatën e qytetit, duke kërkuar lirimin nga burgu të 60-vjeçarit dhe caktimin ndaj tij, masën e “arrestit në shtëpi”. Që prej fillimit të Marsit, V.N. është mbyllur në banesë. Ndërsa prokuroria e Lezhës ka vendosur pushimin e dy akuzave “Marrëdhënieve Seksuale ose homoseksuale me persona të pazotë për tu mbrojtur” dhe “Ngacmim Seksual”, duke çuar si të pandehur V.N. në gjykatën e Lezhës, vetëm për akuzën e “Drejtim i automjeteve në gjendje të dehur”.

Ngjarja ka ndodhur në më 17 janar 2020 rreth orës 10:05, ku ishte një njoftim në sallën e policisë së Lezhës, që vuri në lëvizje efektivët, pasi një automjet në afërsi të shkollës së fshatit, po lëvizte me shpejtësi pranë nxënësve duke rrezikuar kalimtarët. Me mbërritjen në vendin e ngjarjes, policia konstatoi 60-vjeçarin V.N., i cili kishte ndaluar automjetin e tij dhe ishte kapur në telat e rrethimit të shkollës dhe po bisedonte me një nxënëse duke i thënë fjalët, “hajde zemër, hajde shpirt, etj”.

Ai është pyetur nga punonjësit e policisë për arsyen e qëndrimit tek shkolla dhe ka thënë se vajzën e ka mbesë. Por me pyetjen e drejtorit të shkollës dhe të mësuesit kujdestar të vajzës së mitur, rezultoi se mes tyre nuk ka lidhje. Ditën që u arrestua nga policia, 60-vjeçarit iu bë edhe testi i alkoolit, ku rezultoi se drejtonte makinën në gjendje të dehur në masën 0.93 mlg/l. Për këtë shkak ai tashmë është marrë i pandehur dhe pritet që në ditët në vijim të gjykohet për vetëm këtë akuzë.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Lezhe: 23/04/2020 14:37

    Avukatit edhe ati qe i ka ba analizat i ndodhte ne familje. Edhe gjykatesit bashke .Zoti ju kujtofte.

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Gjikondi: Ja taktika e çiftit Meta-Kryemadhi për të shpëtuar pronat e vendosura në mënyrë të paligjshme dhe pse administrata ‘Trump’ nuk do t’i heqë ‘non-gratën’ Berishës

Gjikondi: Ja taktika e çiftit Meta-Kryemadhi për të shpëtuar pronat e vendosura në mënyrë të paligjshme dhe pse administrata ‘Trump’ nuk do t’i heqë ‘non-gratën’ Berishës

24 Nëntor, 12:13