Tirane- Prokuroria e Posaçme i komunikoi sot (10 shtator 2024) akuzën ish-kryebashkiakut te Himarës, Jorgo Goro e tre ish-zyrtarëve, mes të cilëve dhe kreut të kadastrës së Vlorës, lidhur me tjetërsimin e dy pronave në Dhërmi, ku përfitues fundor i truallit, ka qenë biznesmeni, ish deputeti socialist Artan Gaçi.
Bëhet fjalë për një siperfaqe në total prej 10592 m2 ku bashkëshorti i ish ministres së Jashtme Olta Xhaçka, do të ndërtonte kompleksin turistik në fshatin Gjilek - Dhërmi të Himarës.
Ndaj Jorgo Goros SPAK ka ngritur akuzën e 'Shpërdorim detyre në dy raste” dhe “refuzim per deklarim dhe 'mosdeklarim të pasurisë”. Zyrtarisht mësohet se SPAK ka përfunduar hetimet për këtë dosje dhe do e dërgojë në GJKKO.
Prej 23 marsit 2024 Jorgo Goro ndodhet në burg pasi GJKKO me kërkesë të SPAK caktoi masën e sigurisë 'arrest me burg' ndaj tij.
Në episodin e parë Hetimet e SPAK treguan se Goro në bashkëpunim me Jerasimo Bashin, përcollën pranë organeve kompetente dokumenta të falsifikuara duke bërë të mundur regjistrimin e një sipërfaqe prej 5512 m2 tokë bujqësore, në pronësi të shtetit, në favor të subjektit privat, në pronësi të Foto Mëhillit, i ati i Stavri Mëhillit.
Pas kësaj procedure, të dy ata kanë vijuar me transaksionet për të regjistruar sipërfaqen e tokës në emër të shoqërisë private me përfaqësues Artan Gaccin.
Në total janë dy sipërfaqe toke të tjetërsuara, të dyja rreth 10 mije m2.
Lidhur me këtë çështje kreu i kadastrës Vlorë Bilbil Aliaj u la në masën “detyrim paraqitje”, ndërsa ish juristi Vezir Gjikoka si dhe ish drejtori i Drejtorisë së Mbrojtjes dhe Menaxhimit të tokës në Bashkinë Himarë, Jerasimo Bashi u lanë në “arrest në shtëpie”.
Nga ana tjetër, Stavri Mëhilli i cili ka përfituar në 5512 m2 tokë bujqësore në mënyrë të padrejtë dhe më pas ia ka shitur Artan Gaçit, ish-deputet i PS-së është në kërkim dhe ndaj tij është caktuar “arrest me burg”, në mungesë.
Episodi i parë/ Falsifikimi i dokumenteve për 5512 m2 tokë në Dhërmi që bleu Artan Gaçi
Sipas SPAK dyshohet se Jorgo Goro në cilësinë e kryetarit të bashkisë së Himarës, bashkë me Jerasmo Bashin, asokohe drejtor i Mbrojtjes dhe Menxhimit të Tokës në bashkinë e Himarës, 'pa bërë asnjë verifikim, kanë përcjellë pranë organeve kompetente dokumenta tërësisht të falsifikuara duke bërë të mundur më pas regjistrimin e sipërfaqes 5512 m2 tokë bujqësore në pronësi shtet, në favor të privatit.
Episodi dy: Jorgo Goro tokën bujqësore prej 5080m2 e ktheu tokë shtet, ku më pas u dha leje për ndërtimin e një kompleksi turistik që do ndërtohej nga Artan Gaçi
Sipas SPAK dokumentacionin e një prone bujqësore prej 5080 m2, Jorgo Goro në bashkëpunim me vartësin e tij, Jerasimo Bashi, e ka kthyer pronë shtet, ku më pas janë kryer transaksione. Në kufi me këtë sipërfaqe toke, sipërmarrësi privat, Artan Gaçi, ish- deputet i PS- së, i kishte blerë tokën me dokumente të falsifikuara Stavri Mëhillit. Sipërfaqja e tokës më pas është bashkuar në një të vetme dhe pas kësaj shoqëria tregtare e drejtuar prej Artan Gaçit merr leje ndërtimi për një kompleks turistik, i cili do të ndërtohet në të dyja sipërfaqet e tokës, në total (10.592 m2).
Trualli ne sekuestro
Më 5 prill 2024 GJKKO me kërkesë të SPAK vuri në sekuestro sipërfaqen e truallit 10 mije metra katrore ku do të ndërtonte kompleksin turistik në fshatin Gjilek - Dhërmi të Himarës. Ky rast, u bë shkak edhe për vënien në diskutim të mandatit si deputete të Olta Xhaçkës.
Pak muaj pas arrestimit Prokuroria e Posaçme rëndoi pozitën e Jorgo Goros duke kërkuar një tjetër masë sigurie arresti në burg për Jorgo Goron si dhe sekuestroi të 4900m2 tokë që është përfituar nga ish-kryebashkiaku i komanduar i Himarës, Arqile Bollano.
Raportoi gazetarja e Report Tv dhe shqiptarja.com Keti Banushi
Komente
Lajme të tjera
-
Emigrantët kthehen për festa! Çdo ditë mbi 1 mijë pasagjerë mbërrijnë në portin e Vlorës
24 Dhjetor, 16:12
-
Vlorë/ Plagosi me thikë 19 vjeçarin, arrestohet 44 vjeçari! I riu te Trauma
23 Dhjetor, 17:58 -
Vlorë/ Sekuestrohen rreth 32 mijë euro cash në port, procedohen 2 shoferët! Ishin fshehur në sediljen e autobusit të agjencisë së udhëtimit
23 Dhjetor, 16:09 -
Selenicë, Guri Selimi rrezikon jetën, prej vitesh i braktisur! 77-vjeçari pa strehë, pa ushqim e veshje endet rrugëve
23 Dhjetor, 10:08
-
Moti i keq, frika nga reshjet e dendura, bashkia Vlorë bën thirrje qytetarëve: Mos parkoni makinat në këto zona
23 Dhjetor, 09:09 -
Moti i keq pezullon nisjen e tragetit në Vlorë, mbetet në radë
23 Dhjetor, 08:01 -
Vlorë/ U gjet i vdekur në banesë, 68-vjeçari i vetmuar pësoi arrest kardiak! U gjet pas 12 orësh
22 Dhjetor, 19:26
-
SPECIALE/ Mjalti, biznesi i ëmbël që prodhon produkt të shtrenjtë
22 Dhjetor, 18:05
-
Selenicë/ 77 vjeçari prej vitesh jeton në godinë të rrënuar, Report Tv apel për ndihmë shërbimit social e bashkisë
22 Dhjetor, 14:59
-
I vodhën me dhunë portofolin 66-vjeçarit, arrestohen 2 të miturit në Vlorë
22 Dhjetor, 11:59 -
Himarë, hipotekohen shtëpitë e trashëguara, Rama garanton: Do japim dhe AMTP-të! Parkim nëntokësor tek Fusha e Sportit, ndërhyjmë në Borsh
22 Dhjetor, 11:20 -
Festat sjellin shqiptarët në Atdhe/ Fluks në portin e Vlorës, Durrësit, Kakavijë dhe Kapshticë (VIDEO)
22 Dhjetor, 08:59
Rraseni Brēnda Jorgo Goron [ goren ] e mos e nxirni mē qelbēsirēn nga burgu. Pty rac hajdutēsh brek grisur ordiner.
PërgjigjuPo Gaçi, apo ai sdi gje? Ai thjesht bleu token.
Përgjigju