POP 5

Lajmet më të lexuara të 5 minutave të fundit

Kronikë

U dënua me burg për jetë për vrasjen e 16 vjeçarit në 2015, babai i autorit: Djali u dënua pa prova, s'ka lidhje me krimin

Familja e Kristjan Cenaj, të riut të vënë nën akuzë për vrasjen dhe groposjen e 16-vjeçarit Maringlen Gjonaj në Fushe-Kuqe të Kurbinit ka thyer heshtjen, duke folur për herë të parë në lidhje me ngjarjen e rëndë.

Lezhe- Familja e Kristjan Cenaj, të riut të vënë nën akuzë për vrasjen dhe groposjen e 16-vjeçarit Maringlen Gjonaj në Fushe-Kuqe të Kurbinit ka thyer heshtjen, duke folur për herë të parë në lidhje me ngjarjen e rëndë.

Pas zbardhjes së vendimit të Gjykatës së Lezhës e cila e dënoi me burgim të përjetshem 32-vjeçarin, babai i tij Tonin Cenaj thotë se djali nuk ka asnjë lidhje me këtë krim dhe ai është dënuar pa asnjë prove nga gjykata.

'Djali im është dënuar pa prova. Prokuroria e Gjykata ma ka dënuar pa prova. I kam bërë letër prokurorisë, KLGJ, mu cuan ma kanë dënuar." thotë Tonin Cenaj, babai i të akuzuarit.

Prej momentit kur ndodhi ngjarja, babai i të akuzuarit thotë se kanë kontaktuar me familjaret e viktimes dhe kanë qenë të gatshem të betohen në kishe në bazë të zakonit, ndërsa organeve të drejtësisë ju kërkon që të gjejnë vrasesit e vërtetë të 16-vjeçarit.

Avokati i Kritjan Cenaj, Edmond Buna thotë se klienti i tij ka qenë rastesisht me viktimen diten e ngjarjes dhe që në fillim është vënë në dispozicion të policisë dhe organeve të drejtësisë, duke treguar pozicionin e tij në këtë proçedim penal.Sipas tij hetimi i kësaj ngjarje është i cunguar dhe gjithçka lidhet në kuder të dyshimeve pa asnjë prove konkrete që faktojnë përfshirjen e 32-vjeçarit në krimin e rëndë.

Në muajin korrik të këtij viti Gjykata e Lezhës dënoi me burgim të përjetshem 32-vjeçarin Kristjan Cenaj për vepren penale të "Vjedhjes me pasojë vdekjen", ndërsa vendimi është ankimuar në apel ku mbrojtësi ligjor kërkon pafajësi.

Vrasja e 16-vjeçarit Mariglen Gjonaj u zbardh 4 muaj pasi ju gjetën eshtrat të groposura në një zonë me ferra dhe shkurre në Fushe-Kuqe të Kurbinit, dhe 7 vite nga zhdukja e tij.Për këtë krim u arrestua në vitin 2022 Kristjan Cenaj, i cili ka qenë kontakti i fundit me viktimen që mendohet të jetë vrarë dhe groposur me qëllim grabitjen, pasi diten e ngjarjes mbante me vetë një ore ROLEX dhe një varse floriri.

S.G/G.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu