Policia ka vënë në pranga personin që vodhi makinën e përdorur nga vrasësit në ekzekutimin e Denis Kasajt më 8 janar të këtij viti (2016) dhe plagosjen e Kelmend Kastratit dhe Elton Margaritari . I arrestuari është Sokol (Edvin) Cali 41 vjeç nga Lezha. Autorët përdorën një makina tip Toyota me targë ‘AA 587 KF’ e cila rezulton të jetë vjedhur në qytetin e Lezhës.

Denis Kasaj u qëllua teksa udhëtonte me makinë në Fier, ndërsa të plagosur mbetën Kelmend Kastrati dhe Elton Margaritari.

Njoftim i plotë i Policisë
Sektori për Hetimin e Krimeve të Rënda në Drejtorinë Vendore të Policisë Fier, në bashkëpunim me strukturat e Drejtorisë Vendore të Policisë Lezhë, bënë të mundur ndalimin e shtetasit:

-Sokol (Edvin) Cali, 41 vjeç, lindur në Rubik dhe banues në lagjen “Beslidhja”, Lezhë.

Nga veprimet e deritanishme hetimore , rezulton se shtetasi Sokol (Edvin) Cali, dyshohet se automjetin Toyota Yaris, me targe AA 587 KF,  të vjedhur në qytetin e Lezhës, e  ka vënë në dispozicion të autorëve të vrasjes së shtetasit  Denis Kasaj dhe plagosjes së shtetasve Kelmend Kastrati e Elton Margaritari,  ngjarje kjo e ndodhur më datën 08.01.2016 në vendin e quajtur “Mulliri i Artë”, Fier.


 Redaksia Online
(M.Ç/Shqiptarja.com)