U kap me 300 mijë paund drogë, arrestohet 'Skllavi' shqiptar që ruante fabrikat e kanabisit në Britani  

Pamje e fabrikës së kanabisit në Britani

Një 49-vjeçar shqiptar është arrestuar së fundi nga policia britanike, i cili u kap në një fabrikë kanabisi në Angli.

Mediat britanike e referojnë me  emërtimin "skllavi" shqiptar, ndërsa mendohet se 46-vjeçari shqiptar është trafikuar nga Evropa në Çheltenham të Britanisë . Sipas mediave bëhet e ditur se Bashkim Hajdari, 46 vjeçari, banues në New Street,  është arrestuar më 4 shkurt dhe po mbahet në paraburgim,  ndërsa akuzohet për prodhimin e kanabisit në dy fabrika të qytetit Cheltenham.

 Nga hetimet e kryera nga, autoritet britanike informojnë se 46-vjeçari shqiptar kujdesej për dy fabrika kanabisi të vendosura në dy shtëpi të ndryshme në të njëjtën rrugë në Britaninë e Madhe.

Mësohet se gjatë operacionit të policisë, policia zbuloi 208 rrënjë bimë kanabisi dhe  në një shtëpi tjetër 152 rrënjë bimë të tjera, në total 360 bimë kanabisi që kapnin një vlerë prej 300 mijë paund.

Ndërkohët këtë të mërkurë, shqiptari doli para gjykatës dhe mohoi akuzat, por avokati mbrojtës i tij tha se gjatë pyetjeve në polici e kishte pranuar se ishte përfshirë në prodhimin e drogës së klasit B. Nga veprimet hetimore  një burrë nga Belgjika e kishte dërguar shqiptarin në adresën e rrugës ku ai u kap ndërsa i kishte kërkuar shqiptarit  që të kujdesej për bimët e kanabisit dhe për këtë nuk ka marrë asnjë pagesë. Besohet se Hajdari ka punuar aty që prej Nëntorit të 2018-s, ndërsa aktualisht ai po mbahet në ambientet e  paraburgimit dhe seanca e rradhës e gjyqit pritet të mbahet me 13 shkurt.

b.xh./Shqiptarja.com
Komento