POP 5

Lajmet më të lexuara të 5 minutave të fundit

Kronikë

U kap me 4 bomba me sahat dhe kanabis, gjykata e Lezhës ‘arrest me burg’ për vëllain e Alketa Vejsiut (VIDEO-FOTO)

Gjykata e Lezhës lë në burg Endrit Vejsiun, 29-vjeçarin nga Tirana që u kap me bomba me sahat dhe kanabis në bagazhin e makinës së tij, 2 ditë më parë. Vejsiu, vëllai i moderatores Alketa Vejsiu u arrestua të dielën bashkë me 3 persona të tjerë

Lezhë-Gjykata e rrethit të Lezhës, ka vendosur masën e sigurisë ‘arrest me burg’, për vëllain e moderatores Alketa Vejsiu, Endrit Vejsiu. Vejsiu, 29 vjeç ka dalë sot para Gjykatës së Lezhës, dhe është njohur me masën e sigurisë. Ai u arrestua mëngjesin e të dielës, gjatë aksionit Telekomanda, ku iu gjetën 4 mina me telekomandë dhe 3 kilogramë kanabis në bagazhin e makinës së tij tip Opel.

Ai u arrestua në aksin rrugor Lezhë-Laç pranë kryqëzimit të Shën Kollit. Vejsiu ishte një nga 4 të arrestuarit e këtij operacioni, ndërkohë që u kap edhe një person i shpallur në kërkim për vrasje. Gentian Elezi u arrestua nga policia, pasi ishte shpallur në kërkim për një vrasje në Mamurras në vitin 2015.

Endrit Vejsiu, pasi ka dalë nga ambientet e Gjykatës në Lezhë

Njoftimi i policisë për arrestimin e Endrit Vejsiut:

Si rezultat, u bë i mundur kapja e shtetasit Endrit Vejsiu, 29 vjeç, nga Tirana, pasi në aksin rrugor Milot - Lezhë, në kryqëzimin e Shënkollit, në mjetin e tij tip ‘Opel’ në një gomë rezervë në bagazh, u gjetën të fshehura 4 mina me telekomandë. 
Ato ishin të paketuara me nga dy cilindra materiali të ngurtë të mbështjellë me natriban, të dyshuara lëndë plasëse e llojit TNT. Gjithashtu u gjetën edhe rreth 3 kilogramë lëndë e dyshuar narkotike kanabis sativa, e paketuar gati për shitje. Arrestimi i Vejsiut u bë për veprat penale "Prodhim dhe shitje e lëndëve narkotike" dhe "Trafikim i lëndëve plasëse. 

Moderatorja Alketa Vejsiu, ka reaguar indirekt për arrestimin e të vëllait. Gjatë mbrëmjes së djeshme në spektaklin Dance With Me, Vejsiu tha se gjërat që ndodhin jashtë spektaklit, mbeten jashtë spektaklit.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46