Sekuestrohen 300 kg kanabis në Brindisi, mediet italiane: Gomonia vinte nga Shqipëria

Kapen rreth 300 kg drogë në një gomone në brigjet e Brindisit në Itali, ku sipas medieve italiane gomonia vinte nga Shqipëria. Në pranga ka përfunduar trafikanti, një italian D.L. 26-vjeç, me prejardhje nga San Vito dei Normanni, Brindisi, i cili u përpoq t'i fshihej policisë.  

Pas kapjes dhe kontrollit të detajuar të gomones, policia italiane ka gjetur të fshehura në disa tuba 262 kilogram kanabis.Sipas agjensisë italiane të lajmeve  "Ansa", gomonia me drogë ka ardhur nga Shqipëria dhe nëse do hidhej në treg do të kapte vlerën e rreth 3 milionë eurove.

Mjeti lundrues me lëndë narkotike është pikasur dhe kapur nga rojet e Guardia di Finanzas të operacioneve detare të Barit. Po ashtu sipas hetuesve, skafisti ka tentuar ta transportojë drogën në Pulia, pasi në këtë periudhë të verës mundësia për ta tregtuar është e madhe, për shkak të pushuesve të shumtë në këtë zonë.

LEXO EDHE:
Milano kërkon të ndalojë shitjen e akulloreve dhe picave pas mesnate

Ndërkohë policia italiane po vijon hetimet për identifikimin dhe kapjen e trafikantëve të tjerë, të përfshirë si dhe saktësimin e origjinës së lëndës narkotike të sekuestruar nga policia italiane.

TAG:
• itali
• droge
• gomone
• brindisi

Sondazhi i ditës:

A ka politika frikë nga SPAK-u?

• Po

  68.6%

• Jo

  26.6%

• Nuk e di

  4.9%

Vota total: 3193

• Sondazhi i ditës:

  A ka politika frikë nga SPAK-u?

  Po Jo Nuk e di