POP 5

Lajmet më të lexuara të 5 minutave të fundit

Kronikë

U konfirmua në detyrë nga KPK, Komisioneri Publik kërkon shkarkimin e prokurores së Durrësit Enkeleda Osmani

Komisioneri Publik kërkon shkarkimin nga detyra të prokurores së Durrësit Enkeleda Osmani, e cila u konfirmua në detyrë më 20 korrik 2020 nga Komisioni i Pavarur i Kualifikimit.

U konfirmua në detyrë nga KPK, Komisioneri Publik kërkon shkarkimin e prokurores së Durrësit Enkeleda Osmani

Enkeleda Osmani ne KPK

Komisioneri Publik kërkon shkarkimin nga detyra të prokurores së Durrësit Enkeleda Osmani, e cila u konfirmua në detyrë më 20 korrik 2020 nga Komisioni i Pavarur i Kualifikimit.

Përmes një njoftimi Komisioneri Publik bën me dije se ka depozituar ankimim në Kolegjin e Posaçëm të Apelimit, për rihetim gjyqësor dhe shkarkim nga detyra të Enkeleda Osmanit, prokurore e Durrësit.

Pavarësisht problemeve me pasurinë, kryesisht me të ardhurat e bashkëshortit, Komisioni i përbërë nga trupa e drejtuar prej Roland Ilias, me relatore Brunilda Bekteshin dhe anëtare Suela Zhegu, e konfimoi në detyrë prokuroren Enkeleda Osmani.

"Komisioneri Publik, brenda afatit ligjor, ushtroi ankim në Kolegjin e Posaçëm të Apelimit, pranë Gjykatës Kushtetuese, kundër vendimit nr. 275, datë 20.7.2020, të Komisionit të Pavarur të Kualifikimit, për subjektin e rivlerësimit znj. Enkeleda Osmani (Xhengo), me funksion prokurore në Prokurorinë pranë Gjykatës së Rrethit Gjyqësor, Durrës.

Komisioneri Publik, pasi shqyrtoi vendimin nr. 275, datë 20.7.2020, të Komisionit të Pavarur të Kualifikimit, vlerëson se subjekti i rivlerësimit nuk arrin nivel të besueshëm për konfirmimin në detyrë, pasi, referuar gjendjes së fakteve dhe provave, vendimi është i cenueshëm në tërësinë e tij.

Komisioneri Publik kërkon nga Kolegji i Posaçëm i Apelimit që të riçelë hetimin gjyqësor dhe, në përfundim të shqyrtimit të çështjes, në seancë publike, të vendosë ndryshimin e vendimit nr. 275, datë 20.7.2020, të Komisionit të Pavarur të Kualifikimit, dhe shkarkimin nga detyra të subjektit të rivlerësimit, znj. Enkeleda Osmani (Xhengo)”, thuhet në njoftim.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • ALDO: 07/04/2022 18:31

    TA SHKARKOJN DHE TA SHIFNI SE KU JETON KJO PROKURORE NE VILAT QE JA BON BURRI ME LEKET E DJERSES I THENCIN TE KALAMOJT ISHALLA

    Përgjigju
  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

‘Në Librari’ me 3 tituj: “Tryezat e ambasadorit” nga Paolo Foresti, “Njëkohësia” nga Lekë Tasi dhe “Edhe një ditë më shumë” nga Malvin Zaimi

‘Në Librari’ me 3 tituj: “Tryezat e ambasadorit” nga Paolo Foresti, “Njëkohësia” nga Lekë Tasi dhe “Edhe një ditë më shumë” nga Malvin Zaimi

26 Janar, 08:14 nga Blerina Goce