Ish-gjyqtarja e lartë Evelina Qirjako kërkon statusin e magjistrates.
Qirjako ka dhënë dorëheqjen nga drejtësia nga frika e Vetingut, por që kundërshton përjashtimin nga drejta për t’u rikthyet një ditë në sistem.
Ajo u largua nga Gjykata e Lartë në vitin 2017, ndonëse sipas ligjit mund të qëndronte në detyrë deri kur të zëvendësoheshin, siç bëri Ardian Dvorani.
![](https://shqiptarja.com/template/img/NO_ALFA_Kuadrate shqiptarja.png)
Për të evituar përballjen me Vetingun, Qirjako nuk pranoi të shërbenin as në Gjykatë të Apelit. Pasi Komisioni i Pavarur i Kualifikimit vendosi të ndërpriste procesin e Vetingut për ta dhe t’i përjashtonte nga drejtësi, Qirjako kërkui nga Kolegji i Posaçëm që të rrëzonte pikën në vendimin e KPK, e cila e përjashtonte nga drejtësia.
Ndërkaq dje ka pasur seancën dhe KPA ka vendosur ta kalojë në seancë publike.
" Kolegji i Posaçëm i Apelimit njofton se sot, më datë 07.12.2020, pasi mori në shqyrtim në dhomë këshillimi çështjen (JR) nr.39/2019, datë 04.09.2019, që i përket ankimit të paraqitur nga subjekti i rivlerësimit Evelina Qirjako kundër vendimit të Komisionit të Pavarur të Kualifikimit nr. 178, datë 08.07.2019, bazuar në nenin F, pika 3 e Aneksit të Kushtetutës, nenin 4, pika 5 e ligjit nr. 84/2016 “Për rivlerësimin kalimtar të gjyqtarëve dhe prokurorëve në Republikën e Shqipërisë, si dhe në nenin 51, pika 1, germa “b” e ligjit nr. 49/2012 “Për gjykatat administrative dhe gjykimin e mosmarrëveshjeve administrative”, i ndryshuar, vendosi shqyrtimin e saj në seancë gjyqësore publike, ditën e mërkurë, në datën 23.12.2020, ora 10:00. Gjykimi në seancë publike u vendos për t’i dhënë mundësinë subjektit të rivlerësimit Evelina Qirjako të dëgjohet në gjykimin e çështjes", thotë KPA.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)