Eurodeputetja greke, Eva Kaili e cila u lirua nga burgu pas 4 muajve nën arrest, është shprehur së fundmi në një intervistë për mediat greke se kishte menduar edhe vetëvrasjen gjatë kohës që kishte qenë e burgosur.
“Në dhjetor të vitit 2022, kur u informova nga mediat se në çfarë akuzash pretendohej se ishte i përfshirë partneri im dhe babai i vajzës sime, e gjithë ekzistenca ime u shemb, e gjithë bota u zhduk befas”, thotë ajo.
Ajo tha se refuzimi i kolegëve të saj e bëri të ndihej sikur nuk ekzistonte më, pavarësisht se sipas saj akuzat e bëra ndaj saj nuk ishin të vërteta. Kaili tha se në momentet që kishte menduar vetëvrasjen, u ndalua vetëm nga mendimet për vajzën e saj.
“Më pas erdhi izolimi dhe refuzimi absolut nga të gjithë, kolegët e mi në Parlamentin Evropian, bota politike në vendin tim, miqtë, të njohurit. Ishte sikur nuk ekzistoja. E gjeta veten në burg, larg vajzës sime, vetëm me shpresën se kjo që po jetoj është një iluzion për shoqërinë. Unë flisja, bërtisja ‘jam e pafajshme’, por muret dhe hekurat nuk më dëgjojnë. Është e vërtetë, mund ta them, ka pasur momente që kam menduar t’i jap fund torturës së vetmisë shurdhuese. U tremba, nuk e bëra, mendimi i vajzës nuk më la”- pohoi Kaili.
Në 12 prill u mor vendimi për lirimin nga qelia të Eva Kailit e cila do të qëndrojë në arrest shtëpie deri në mbyllje të hetimeve ndaj saj.
Eurodeputetja u arrestua më 9 dhjetor dhe menjëherë iu hoq imuniteti parlamentar ndërsa u shkarkua edhe nga posti i nënkryetares së Parlamentit Evropian. 44-vjeçarja Kaili u akuzua për pjesëmarrje në organizatë kriminale, korrupsion dhe pastrim parash dhe u transferua në burgun e Harenit, në periferi të Brukselit.
Arrestimi i saj shkaktoi valë tronditëse në të gjithë Brukselin dhe nxori në dritë një hetim mbi një skemë që përfshin shuma "të mëdha" parash dhe dhurata "të shtrenjta" që dyshohet se janë paguar nga Katari dhe Maroku për të ndikuar në vendimet e BE-së për dy këto vende. Si pjesë e hetimit, policia belge sekuestroi më shumë se 1.5 milionë euro para cash pas kontrolleve në shtëpi dhe zyra. Siç dihet Eva Kaili për sa kohë nuk jep dorëheqjen mbetet eurodeputete dhe i takon një pagë pas taksave prej 7146 euro në muaj.
Lajme të tjera
-
Von der Leyen rizgjidhet presidente e Komisionit Evropian! Rama: Shqipëria ka besim të plotë te lidershipi i saj
18 Korrik, 14:36 -
Pas konstituimit Parlamenti Europian, pritet të votojë rezolutën për Ukrainën
17 Korrik, 13:13 -
Spahiu thirrje presidentit: Shpall zgjedhjet në Himarë sepse Beleri ka konflikt interesi si Eurodeputet
10 Qershor, 17:35 -
Në Gjermani nuk priten zgjedhje të parakohshme
10 Qershor, 14:22 -
Një valë ekstreme gjithandej Evropës, zgjedhjet për PE dërgojnë mesazhe shqetësuese deri në Ballkan
10 Qershor, 10:25
-
Zgjedhjet për Parlamentin Evropian: Si organizohen dhe kush mund të votojë?
6 Qershor, 08:05 -
Policia kontrollon zyrat e PE-së për ndërhyrjen e dyshuar ruse
29 Maj, 13:24 -
BE po vëzhgon masat e Meta-s për të luftuar dezinformimin për zgjedhjet
28 Maj, 13:00 -
Zgjedhjet në BE: Cilat janë arritjet e Parlamentit të BE-së?
9 Maj, 08:29 -
VIDEO: Eurodeputeti nxjerr nga çanta pëllumbin dhe e lëshon në sallën e Parlamentit Europian
25 Prill, 17:19 -
Parlamenti Evropian miraton planin prej 6 miliardë eurosh për Ballkanin Perëndimor
24 Prill, 13:55 -
PE-ja miraton heqjen e vizave për shtetasit e Kosovës që kanë pasaporta të Serbisë
23 Prill, 14:36
