U lirua me kusht nga gjyqtarja Enkelejda Hoxha, Apeli kërkon arrestimin e Genc Tafilit, vrau komisarin në 2000

U lirua me kusht nga gjyqtarja Enkelejda Hoxha, Apeli kërkon arrestimin e Genc Tafilit, vrau komisarin në 2000

Genc Tafili

TIRANË- Gjykata e Apelit ka kërkuar kthimin në qeli të Genc Tafilit, autorit të vrasjes së komisar Arben Zylyftarit në 2000. Kjo sepse lirimi i tij me kusht në 2017 është bërë nga gjyqtarja Enkelejda Hoxha, e cila ndodhet në arrest në burg për akuzën e korrupsionit. Dokumenti mban datën 17 maj dhe është firmosur nga Prokurori Genti Xholi, i cili kërkon ekzekutimin e vendimit të Gjykatës së Apelit që ka vendosur rikthimin në burg të Tafilit.

"Gjykata e Apelit Tiranë me vendimin numër 221 datë 17.05.2021 ka vendosur: Ndryshimin e vendimit nr.69 regj Themeltar, datë 16.11.2017 të Gjykatës së Rrethir Gjyqësor Krujë dhe rrëzimin e kërkesës së kërkuesit (të dënuarit) Genc Tafili me objekt lirim me kusht. Urdhëroj: Ekzekutimin e vendimit të Gjykatës së Apelit Tiranë për kërkuesin Genc Tafili", shkruhet në dokument.  

Kush është Genc Tafili? Genc Tafili, vëllai i Admir Tafilit, të dy emra shumë të njohur për drejtësinë shqiptare, të akuzuar dhe dënuar për disa vepra penale u lirua më 7 nëntor të 2017. Genc Tafili është me kusht nga gjykata e Krujës nga gjyqtarja Enkeleda Hoxha, pasi kreu 17 vite burg.

Genc Tafili me vëllanë, Admir Tafilin akuzohen dhe u dënuan për vrasjen e komisarit të policisë Arben Zylyftarit. Genc Tafili kreu 17 vite burg nga 25 që u dënua për vrasjen e Arben Zylyftarit në vitin 2000 gjatë një shkëmbimi zjarri, ku humbi jetën edhe babai i vëllezërve Tafili, Bahri Tafili.

B.K./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet