U liruan 100 të dënuar nga GJKKO, nesër interpelanca në Kuvend për amnistinë penale, Manja bëhet gati: Nuk ka asgjë urgjente

U liruan 100 të dënuar nga GJKKO, nesër interpelanca në Kuvend për amnistinë penale, Manja bëhet gati: Nuk ka asgjë urgjente

Ulsi Manja

Ministri i Drejtësisë Ulsi Manja do të jetë nesër në Kuvend në interpelancën e thirrur nga grupi parlamentar i Partisë Demokratike lidhur me amnistinë penale.

Partia Demokratike akuzon mazhorancën dhe Rithemelimin për pazare me amnistinë penale, duke thënë se e kanë bërë për të liruar zyrtarët e korruptuar.

“Gati për interpelancën...që nuk ka asgjë urgjente!” shkruan Manja në një postim në facebook ndërsa ka postuar dhe një foto ulur në tryezën e tij duke parë në kompjuter fjalën që ka përgatitur nesër për raportimin e tij para Kuvendit.

Seancën e kaluar premtoi se do i jepte përgjigje dhe deputetit Agron Shehaj të cilit i tha se do ia shkulte veshët

"Në fakt ky shtet duhet të merret me ty, se je njeriu evazor më i madh në vend që sponsorizon portale e shkrime që çojnë ujë në mullirin e shteteve dashakeqe të Shqipërisë. Nuk do të jetë e largët dita që fytyra jote prej ëngjëlli e kalorësi të madh të demokracisë e luftës së korrupsionit në këtë vend të dalë ashtu sic është në të vërtetë" deklaroi Manja seancën e 2 majit 2024. 

Prokuroria e Posaçme ka konfirmuar për Report Tv se rreth 100 persona të dënuar nga Gjykata e Posaçme Kundër Krimit të Organizuar dhe Korrupsionit përfituan nga ligji “Për amnistinë”, i miratuar me konsensus PS-Rithemelimi më 4 prill në Kuvend. 40 të dënuar përfituan falje ndërsa 60 ulje të dënimit. Mes përfituesve kanë qenë edhe 16 zyrtarë dhe 7 gjyqtarë të dënuar për korrupsion.

S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Real: 08/05/2024 17:58

    Arrogances te Ulsiut lepires dhe te papergjegjshem i pergjigjet deklarata e Spak qe verteton se 100 te denuar nga Gjkko perfitojne nga amnistia. Manja nuk jane 0 por 100 o i paturp. Urgjente eshte shkarkimi yt o miu i Arta Markut.

    Përgjigju
  • Sondazhi i ditës:

    A besoni se SPAK do të bëjë drejtësi për 21 janarin?



×

Lajmi i fundit

Pajisja misterioze: A po komunikonte atentatori i Donald Trump me dikë tjetër?

Pajisja misterioze: A po komunikonte atentatori i Donald Trump me dikë tjetër?