U ndërpritet pensioni 6 mijë vetëve 
 Procedim kujt ndryshoi moshën 

TIRANE- Një pjesë e pensionistëve dhe minatorëve kanë falsifikuar dokumentat për të përfituar pension më të lartë, para se të mbushin moshën apo dhe për të marrë 2 përfitime të ndryshme. Për të zbuluar falsifikimet e dokumentave, Instituti i Sigurimeve Shoqërore ka ndërtuar një sistem informatik të qendërzuar për informatizimin e të gjitha proceseve të punës, ku janë hedhur rreth 90% e dosjeve të vjetra të pensionit.

“Falë këtij sistemi, i cili funksionon online me regjistrin kombëtar të shtetasve, bëhet e mundur kontrolli i datëlindjeve në kohë reale për dosjet e pensioneve në të gjithë vendin. Ky proces bën të mundur konstatimin e menjëhershëm të rasteve kur rezultojnë abuzime me datëlindje ose gjeneralitete të ndryshme. Gjithashtu, hedhja e dosjeve të pensioneve në një sistem unik të qendërzuar nxjerr në pah rastet e personave që marrin më shumë se një përfitim”, - thuhet në një njoftim të ISSH-s. Sistemi i ri i ISSH-s ka zbuluar dhe pensionistët që përfitionin pension të padrejtë