POP 5

Lajmet më të lexuara të 5 minutave të fundit

Kronikë

'U ngjit në qiell një zonjë', ish-ministrja Kumbaro humbet nënën

Ish-Ministrja e Kulturës, Mirela Kumbaro ka humbur nënën. Është vetë ajo që e ka bërë të ditur lajmin përmes një postimi në Facebook. Kumbaro i ka kushtuar një mesazh njeriut më të shtrenjtë teksa shkruan se e ëma i ka lënë barrën e modelit që vetë ministrja kërkon të arrijë.

'U ngjit në qiell një zonjë', ish-ministrja Kumbaro humbet nënën

Nëna e Mirela Kumbaros

Ish-Ministrja e Kulturës, Mirela Kumbaro ka humbur nënën. Është vetë ajo që e ka bërë të ditur lajmin përmes një postimi në Facebook.

Kumbaro i ka kushtuar një mesazh njeriut më të shtrenjtë teksa shkruan se e ëma i ka lënë barrën e modelit që vetë ministrja kërkon të arrijë.

"U ngjit në qiell një Zonjë, një mësuese pasionante që jetën ia kushtoi arsimit, që për gati 4 dekada formoi breza profesionistësh dhe artistë duke u mësuar atyre matematikën të cilën ua bëri po aq të dashur sa muzikën, pikturën apo baletin në Liceun Artistik. Një bijë që me shumë dinjitet e përulësi nderoi emrin e familjes e cila la gurë të rëndë në themelet e patriotizmit e të kulturës gjirokastrite të kombit.

Një grua që dashuroi fort një libohovit dhe të dy bashkë ndërtuan familjen më të bukur në botë, me besimin te fëmijët dhe me bindjen te parimet e jetës. Një gjyshe që nipërit e mbesa e kishin shoqe të ngushtë dhe dashuri të pazëvendësueshme. Ajo është nëna ime! Të cilën e njoha kështu si në këtë foto kur erdha në jetë. Dhe kështu e përcolla sot drejt parajsës se vetëm atë meriton zysh Azbija, mama jonë, e bukura dhe e mençura jonë, e kthjellët si hëna e plotë, e thellë si toka e pjekur, e qetë si deti pas furtunës, elegante si mendimi për Jetën që e respektoi deri në çastin e fundit kur iku në paqe dhe krenare nga kjo botë për t'u bashkuar përgjithmonë me dashurinë e jetës së saj, tim atë. Të rëndë ma ke lënë barrën e modelit që s’di a do ta arrij dot, e që më jep ndjesinë e fundit të detit"

 

 

E.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • vjollca: 19/01/2021 22:38

    NGUSHELLIME MINISTRES,,SHKOFTE NE PARAJSE..

    Përgjigju
    • Irena Berberi: 20/01/2021 09:35

      U prefte ne paqe nena

  • Sondazhi i ditës: 15 Shkurt, 08:36

    Çfarë vlerësimi keni për punën e e SPAK-ut deri më sot?

Lajme të tjera



×

Lajmi i fundit

Zelensky: Ukraina nuk do t’i njohë bisedimet SHBA-Rusi në Arabinë Saudite

Zelensky: Ukraina nuk do t’i njohë bisedimet SHBA-Rusi në Arabinë Saudite

17 Shkurt, 17:14