Është ndarë nga jeta në moshën 88-vjeçare në SHBA, Mihallaq Milkani, pedagog i shquar i Flotës Luftarako-Detare të Shqipërisë, vëllai i regjisorit Piro Milkani.
Mihallaq Milkani ndërroi jetë tragjikisht pasi u godit nga një kamion në Worcester të Massachusetts, teksa po qëndronte me një mik të tijin në një parking të zonës.
Milkani ishte frekuentues i rregullt i një kafeneje në bulevardin “Richmond” ku mblidhej së bashku me shokët e tij shqiptarë dhe jo vetëm. Por qëlloi që këtë ditë, kafeneja ishte mbyllur dhe ata vendosën të shkonin diku tjetër. Gjatë rrugës, një kamion e përplasi teksa po kryente manovër në indietro në një shesh parkimi.
Mihallaq Milkani përshkruhej si një njeri shembullor, i dashur me të gjithë dhe një gjysh i palodhur që përkujdesej çdo ditë për nipërit dhe mbesat e tij.
I lindur dhe i rritur në Drenovë të Korçës, Mihallaq Milkani pati një rrugëtim të karakterizuar nga guximi, përkushtimi dhe dashuria e palëkundur.
Në moshën 22 vjeçare, në vitin 1957, Mihallaq Milkani u largua nga Shqipëria për të studiuar në akademitë detare në Shën Petersburg, Rusi dhe Riga, Letoni (atëherë ende pjesë e Bashkimit Sovjetik), sipas vëllait të tij më të vogël Piro Milkani, i cili është një prej regjisorëve më të njohur shqiptarë.
Mihallaq Milkani u kthye në Shqipëri, ku shërbeu si oficer i marinës deri në fillim të viteve 1970. Ai shërbeu në nëndetëse pranë ishullit të Sazanit.
Milkani dha mësim si profesor për rreth 10 vjet, deri në vitin 1982, në Akademinë Detare në Vlorë. Ai madje shkroi një libër shkollor që studentët e tij do ta përdornin si një manual të rëndësishëm.
“Edhe pse jam personazh publik në Shqipëri, shpesh herë njerëzit më ndalonin në rrugë për të më shtrënguar dorën dhe për t'u prezantuar si studentë krenarë për mësimet e vëllait tim në Akademinë Detare në Vlorë,” tha Piro Milkani.
“E gjitha ishte falë përkushtimit të Mihallaqit ndaj profesionit të tij”, u shpreh ai.
Komente
Lajme të tjera
-
‘Figurë mbreslënëse’, nga Ndrenika te Anagnosti, ‘karvani i dashurisë’ përcjell Mimika Lucën, artistët rrëfejnë aktoren e Ndrekën: Kishin një ëndërr për Gjergjin!
22 Shkurt 2023, 15:26
-
'Filmit s’i vjen tjetër si ai', lamtumirë Dhamos, pionerit të kinemasë shqiptare! Xhepa, Anagnosti e Mitro rrëfejnë regjisorin e parë: Kishte brenga
19 Gusht 2022, 16:10
-
‘Ish kohë e pasioneve të mëdha’, Xhepa, Kurti, Radoja e Milkani rrëfejnë Kinostudion në 70-vjetor: Dhimbje e mall, si punuam me 730 punonjës
14 Korrik 2022, 16:10
-
182 kineastë thirrje SUAD-ës për të drejtën e autorit, Kumbaro: Ku kanë shkuar milionat?
20 Maj 2020, 16:16
R.I.P.Kam patur rastin t'a njoh te ndjerin,pasi ishte mik i familjes dhe ne emigracion kishte punuar bashke me prinderit e mi ne te njejten pune.Ishte lexues e pasionuar librash dhe shkembenim ndonje liber.Me ka dhuruar nje liber nga z.P.Kulla,te cilin e kishte mik te ngushte dhe ja kishte kerkuar kastile per mua.
Përgjigju