POP 5

Lajmet më të lexuara të 5 minutave të fundit

Kronikë

U plagos nga efektivët pasi tentoi t'i qëllonte, roja i kanabisit në Fier në gjendje të rëndë! SHÇBA: Veprimet e policisë të rregullta, qëlluan në kushtet e vetëmbrojtjes

Me një reagim ditën e sotme, SHÇBA ka sqaruar dinamikën e ngjarjes, duke i konsideruar veprimet e policisë të rregullta dhe se qëlluan me armë ndaj të riut në kushtet e mbrojtjes së nevojshme.

U plagos nga efektivët pasi tentoi t'i qëllonte, roja i kanabisit në Fier në gjendje të rëndë! SHÇBA: Veprimet e policisë të rregullta, qëlluan në kushtet e vetëmbrojtjes

Sendet e sekuestrua nga policia

Greseld Shpataraku, roja i kanabisit që u plagos dje nga Policia në Fier, ndodhet në gjendje të rëndë në Spitalin e Traumës.

Policia qëlloi ndaj të riut, i cili mori një plumb në shpatull, pasi ai tentoi t'i përgjigjej atyre me zjarr kur u zbulua duke ruajtur bimët e kanabisit që kishte kultivuar. Ngjarja u regjistrua në fshatin Gjorgoz në Cakran të Fierit, në një zonë të pyllëzuar.

Me një reagim ditën e sotme, SHÇBA ka sqaruar dinamikën e ngjarjes, duke i konsideruar veprimet e policisë të rregullta dhe se qëlluan me armë ndaj të riut në kushtet e mbrojtjes së nevojshme.

"Nga hetimet paraprake të kryera në vendngjarje dhe nga deklaratat e dëshmitarëve u arrit në përfundimin se veprimet e punonjësit të policisë klasifikohen si të rregullta juridikisht dhe në përputhje me procedurat standarde të përdorimit të armës, duke qenë tërësisht në kushtet e mbrojtjes së nevojshme", thotë SHÇBA.

Sipas SHÇBA, policët u ndeshën me 29-vjeçarin gjatë kontrollit në terren për kultivim të bimëve narkotike dhe i bënë atij thirrje të ndalonte, por Shpataraku ka shfaqur rezistencë duke mbushur armën për të qëlluar në drejtim të tyre.

Në kushtet e një situate të tillë, punonjësi i policisë ka qëlluar në drejtim të të riut të armatosur duke e plagosur atë në shpatull.

Në vendngjarje u gjetën dhe u sekuestruan në cilësinë e provave materiale:

• 1 automatik me dy krehëra të lidhur me natriban, të mbushur me nga 30 fishekë secili. Automatiku në vendngjarje u gjet në gjendje të gatshme për të realizuar qitjen;

• rreth 180 fishekë me pako të cilat u gjetën në çadrën e vendstrehimit;

• çadër strehimi i tipit alpin me tesha për fjetje dhe ushqime.

• rreth 270 gota të mbjella me fidanë të bimës Kanabis Sativa, dhe dy parcela me 23 bimë të mbjella në tokë;

• 1 telefon celular.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Plagosja e 50-vjeçarit shqiptar në Greqi, zbulohet dëshmia e shitëses: Thirri për ndihmë, i dilte shumë gjak dhe i vura një peshqir!

Plagosja e 50-vjeçarit shqiptar në Greqi, zbulohet dëshmia e shitëses: Thirri për ndihmë, i dilte shumë gjak dhe i vura një peshqir!

25 Dhjetor, 18:01