TIRANË- Trajneri i Kukësit, Skënder Gega, i prekur nga COVID prej gati tre javësh, është nisur me urgjencë drejt Turqisë, pasi gjendja e tij shëndetësore është përkeqësuar. Lajmi është konfirmuar nga vetë klubi.
"Futboll Klub Kukësi njofton se trajneri Skënder Gega ka udhëtuar mëngjesin e sotëm drejt Turqisë. Gjendja shëndetësore e trajnerit u rëndua ditët e fundit dhe për një trajtim më të specializuar për mushkëritë, ka udhëtuar drejt Stambollit. Klubi i uron trajnerit shërim të shpejtë dhe rikthim sa më të shpejtë në krye të skuadrës", njofton Kukësi.
Megjithatë, nuk është bërë e ditur nëse Gega ka shkuar në Turqi për t'u kuruar nga COVID apo për shkak të pasojave që i ka lënë ky virus në mushkëri. Kjo sepse në një vendim të 3 ditëve më parë, qeveria turke e ka ndaluar që të vijnë të huaj me charter në spitalet turke, për shkak se po ezaurohen kapacitet mjekësore për vetë shtetasit e tyre. Gega u konfirmua pozitiv me COVID në datën 8 nëntor, për pasojë nuk ishte në pankinë në ndeshjen e Kupës kundër Besës së Kavajës.
Pas dërgimit të Skënder Gegës në Turqi për kurim pasi është me COVID-19 ka reaguar edhe zv.kryeministri Erion Braçe, i cili nëpërmjet një statusi në Facebook ku ka shpërndarë një foto bashkë me teknikun shkruan ‘Forca Kampion i Kuq, na duhet fitorja jote më e madhe, ti nuk dorëzohesh’.
Postimi në Facebook i Erion Braçes
Presidenti i ekipit të Kukësit, Safet Gjici, ka reaguar lidhur me situatën e trajnerit Skënder Gega, që sot u nis në Turqi për kurim të specializuar pasi është i prekur me koronavirus. Gjici thotë se kjo është një situatë e vështirë dhe shpreh mbështetjen për trajnerin.
“Lajmi për rëndimin e gjendjes shëndetësore të trajnerit tonë Skënder Gega më shqetësoi në këto ditë të vështira të që po kalojmë.
Uroj, që sa më shpejt gjendja e tij të përmirësohet dhe ai të kthehet në ne drejtimin e ekipit tonë.
Jemi të gjithë me ty Skënder në këto momente të vështira.
Jam shumë i bindur që ti do ta fitosh këtë betejë,”-shkruan Gjici.
Menjëherë pas lajmit për nisjen e Skënder Gegës drejt Turqisë ka reaguar presidenti i FSHF-së, Armando Duka, i cili thotë se është i bindur se trajneri i Kukësit do ta fitojë këtë betejë.
“Lajmi për rëndimin e gjendjes shëndetësore të trajnerit dhe mikut Skënder Gega më shqetësoi në këto ditë të vështira të pandemisë. Uroj, që sa më shpejt gjendja e tij të përmirësohet dhe ai të kthehet në fushat dhe stadiumet e futbollit për të dhënë kontributin e tij të pazëvendësueshëm. Kurajo Skënder!
Jemi të gjithë me ty në këto caste delikate dhe të vështira. Jam I bindur që ti do ta fitosh edhe këtë betejë, siç ke bërë gjatë gjithë jetës tënde,”-shkruan Duka.
Lajme të tjera
-
Turqi, helikopteri ambulancë përplaset me godinën e spitalit, 4 të vdekur (VIDEO)
22 Dhjetor, 10:30 -
Dy senatorë amerikanë propozojnë sanksione ndaj Turqisë lidhur me veprimet në Siri
21 Dhjetor, 15:36 -
Përpjekjet e Turqisë për të fituar një rol më të madh ndërmjetës më 2025
18 Dhjetor, 19:43 -
Ja si u arratis Assad nga Siria! Nga përdorimi i 2 avionëve tek ndihma e Turqisë
18 Dhjetor, 16:21 -
Protagonist si zëvendësues, Muçi nuk shmang dot disfatën e Besiktas! E mund Demirspori i Kurtulan (VIDEO)
17 Dhjetor, 11:56 -
Kosova do të prodhojë dy lloj municionesh dhe do të dizajnojë dronë luftarakë! Nënshkruhet kontrata me kompaninë turke
16 Dhjetor, 16:00 -
Ministri i Mbrojtjes Nikos Dendias: Turqia po zgjeron pretendimet ndaj Greqisë
14 Dhjetor, 20:14 -
VIDEO/ Taulant Seferi shënon në Turqi, fiton duelin me Rey Manaj! Gol edhe Odise Roshi
14 Dhjetor, 19:21 -
Siri/ Rënia e Bashar al-Assad, Turqia rihap ambasadën në Damask pas 12 vjetësh
14 Dhjetor, 18:59 -
Erdogan takon Orban: Bashkëpunim me BE-në për të rindërtuar Sirinë
12 Dhjetor, 19:56 -
Shqipëria, ndër vendet më obeze të Europës, më elegantët italianët
12 Dhjetor, 10:56 -
Aktori shqiptar Bertan Asllani fiton çmimin kinematografik 'Golden Kebek' në Turqi
10 Dhjetor, 22:44
