U shemb nga përmbytjet, nis ndërtimi i Urës së Tapizës, ARRSH 12.8 mln lekë për riparimin e 8 objekteve

Tetë ura në të gjithë vendin do t’i nënshtrohen rindërtimit, pasi Autoriteti Rrugor Shqiptar ka hapur procedurën tenderuese, e cila ka për qëllim studimin dhe projektimin e tyre. Fondi limit i vënë në dispozicion është 12.8 milion lekë dhe është pjesë e buxhetit 2018.

Ura e Tapizës, që ndodhet në segmentin rrugor dalja e Kamzës-Fushë Krujë e që ka një gjatësi prej 130 m është një prej tyre. Po ashtu, pjesë e procedurës është edhe ura e Leklit që ndodhet në aksin Tepelenë-Përmet si dhe Ura e Dragotit me një gjatë 108 m.

Ura e Zëmblakut, që lidh kryqëzimin nga Zëmblaku në Doganën e Goricës si dhe ura në aksin Levan-bypass Tepelenë gjithashtu planifikohet të rindërtohen. Dy urat e fundit janë ato të Vorës dhe Kaludhit, ndërkohë që pjesë e planit është edhe nyja në disnivel Bushnesh, që është pjesë e aksit Milot-Thumane.

LEXO EDHE:
Reshjet e shiut vazhdojnë të godasin Emiratet! ‘Paralizohet’ Dubai, dje u anuluan 300 fluturime

Pas përmbylljes së procedurës së prokurimit publik, kompania fituese do të duhet të bëjë një studim të plotë për anën statike të tyre, amortizimin, dëmet qe mund të kenë pësuar në strukturat e tyre mbajtëse apo ndihmëse gjatë viteve, aftësinë mbajtëse të tyre, aftësinë lejuese për trafikun aktual si dhe zhvillimet e tij.

Po ashtu, do të duhet të hartojë projektet e detajuara të urave të reja si dhe projektin e rehabilitimit apo rikonstruksionit të urave ekzistuese që ai do të shikojë të arsyeshme.

Afati i fundit i dorëzimit të ofertave është data 29 qershor, ndërkohë që brenda 6 muajsh konsulenti do të duhet të dorëzojë raportet përkatës, duke i hapur rrugën punimeve./Scan/

TAG:
• permbytje
• ARRSH
• Ura e Tapizës

Sondazhi i ditës:

A duhet prokurorëve të SPAK-ut t'u jepet e drejta e rikandidimit?

• Po

  63.5%

• Jo

  29.1%

• Nuk e di

  7.4%

Vota total: 1844

• Sondazhi i ditës:

  A duhet prokurorëve të SPAK-ut t'u jepet e drejta e rikandidimit?

  Po Jo Nuk e di