POP 5

Lajmet më të lexuara të 5 minutave të fundit

U shpall kampion europe, Qerimaj: I lumtur që medaljen ia dërgoi djalit në shtëpi! Calja s'mban dot lotët: S'ishte e shkruar të shkonte mirë

Erkand Qerimaj, kampioni i saposhpallur i Europës në peshëngritje në stilin e shkëputjes thotë se ndihet shumë i lumtur që i dërgoi medaljen e arit djalit në shtëpi. Ndërkohë në intervistë pas garës Briken Calja nuk i mbajto dot lotët për shkak të provave të dështuara si pasojë e një dëmtimi në shpatull.

Erkand Qerimaj nderoi flamurin kuqezi në kampionatin europian të peshëngritjes që po zhvillohet në Tiranë, pasi shkodrani që garoi në peshën deri 73 kilogramë fitoi medaljen e artë në shkëputje. Qerimaj arriti të ngrinte 150 kilogramë në provën e tretë.

“Mbi të gjitha u gëzova mbi faktin se do t’i dërgoj një medalje në shtëpi djalit, sepse kur mbaroi gara më tha nuk fitove medalje, ndërsa unë i thash të presim se s’ka mbaruar ende,”-tha Erkand Qerimaj, peshëngritës.

Në këtë garë spikati strategjia e Qerimajt, i cili garoi në baderinë B, që u zhvillua 6 orë para baderisë A.

“Unë edhe nga baderia B kam marrë medalje edhe në europianin e Gjeorgjisë. E kisha provuar edhe herë tjetër, por sot rrezikova në maksimum sepse bëra një provë të rëndë. Aty ishte dëshira për medalje, por të jem realist ngjyrën e saj nuk e dija,”-u shpreh Erkand Qerimaj, peshëngritës.

Nëse pati festë për Qerimajn, ndryshe ishte për Briken Caljan, i cili rezultoi i pafat. Ish-kampioni i Europës dhe fitues i medaljeve të Botërorit dështoi në të 5 provat po për shkak të një dëmtimi në shpatull, ndërsa nuk fund nuk i mbajti dot as lotët.

“Me të vërtetë më vjen shumë keq, sepse mbi të gjitha jemi njerëz dhe emocionet të përfshijnë (qan). Jo çdo gjë ka qenë e shkruar që kjo garë të shkojë mirë sepse e para unë kam patur shumë probleme shëndetësore dhe ishte e pamundur të merrje maksimumin. Më vjen shumë keq,”-deklaroi Briken Calja, peshëngritës.

Ashtu si Qerimaj edhe Calja garoi në kategorinë deri në 73 kilogramë, porn ë baderinë A.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Lidhjet ruse të Monika Kryemadhit, a duhet që drejtësia të nisë hetimet?

Lajme të tjera



×

Lajmi i fundit

FOTOGALERIA/ Ndërtimet fortifikuese në ‘Ishullin e Sazanit’ në vitet 1915-1921 me qëllim kontrollin e ‘Ngushticës së Otrantos’

FOTOGALERIA/ Ndërtimet fortifikuese në ‘Ishullin e Sazanit’ në vitet 1915-1921 me qëllim kontrollin e ‘Ngushticës së Otrantos’

31 Mars, 22:55