‘Ulni kokat’, thirrja e policit 25 vjeçar për kolegët brenda komisariatit para se të qëllonte efektivin! Autori: E vrava se shante nga nëna e më thoshte qorr, pinte alkool para pune

TIRANË-  Ludjan Zaimi, efektivi 25-vjeçar nuk duroi dot talljet e kolegut të tij Çaush Saliasi dhe shkrepi armën 6 herë mbi trupin e tij duke i shkaktuar vdekjen. Ngjarja e rëndë ndodhi mbrëmjen e kaluar brenda komisariatit nr.3. në Tiranë teksa po ndërroheshin turnet dhe në sallë ishin kolegët e tjerë. Zaimi duket se e kishte të qartë shënjestrën e tij ndaj i bëri thirrje efektivëve të pranishëm që të ulnin kokat.

Report Tv ka siguruar pamjet nga ambientet jashtë komisariatit ku duket se kolegët kishin shpresa se Saliasi do të jetonte në gjendje paniku përpiqen ta fusin në makinën e policisë dhe ta çojnë me urgjencë në spital për të marrë trajtim mjekësor. Ndërsa në komisariat u shkaktua gjendje kaosi dhe të gjithë kishin dalë jashtë pasi nuk po e kuptonin çfarë kishte ndodhur. Në dëshminë e tij, Ludjan Zaimi tha se e vrau Saliasin pasi e tallte dhe e shante duke i thënë “qorr” dhe duke e sharë nga nëna. Ndërsa autori kurohej me ilaçe për depresionin. Viktima pinte alkool dhe kishte pasur shpesh debate me autorin, por fakti që drejtuesit i kishin lënë në një turn kishte shtuar tensionin mes tyre.

Zaimi ka 1 vit e gjysmë në Policinë e Shtetit, është arrestuar dhe akuzohet për kryerjen e veprës penale “Vrasje me paramendim”, e ndërsa viktima Çaush Saliasi kishte mbi 20 vite karrierë me Uniformat blu. Gjatë mbrëmjes së shkuar, në komisariatin Nr. 3 mbërriti edhe Drejtori i Përgjithshëm i Policisë, Gledis Nano, si edhe një grup i posaçëm nga Drejtoria e Përgjithshme e Policisë së Shtetit, përfshirë ekspertë të Drejtorisë së Standardeve Profesionale dhe nga Departamenti i Rendit dhe Sigurisë Publike.

Komisariatet e Policisë javëve të fundit janë shndërruar në skena krimi. Ngjarja e së hënës pason një tjetër ngjarje kriminale brenda Komisariatit. Bëhet fjalë për vetëvrasjen e ndodhur në Komisariatin e Kavajës u vetëvra Ilvi Meta, teksa në atë të Kamzës iu vu flaka gjatë tentativës së arratisjes.  Kjo ishte ngjarja e dytë e shënuar brenda pak orëve në Tiranë, ku protagonistë kanë qenë efektivët e policisë. Në Kombinat, efektivi i FNSH-së në gjendje të dehur ka qëlluar me armë 60-vjeçarin Murteza Lika, i cili vuante nga probleme të shëndetit mendor, fatmirësisht jashtë rrezikut për jetën.

Për dy ngjarjet e ndodhura mbrëmjen e shkuar, AMP ka ngritur dy grupe të posaçme hetimore për zbardhjen e ngjarjeve ku janë të përfshirë punonjës policie.

Rendit zhvillimet sipas orarit:
Ora 11:32
‘Ulni kokat’, thirrja e policit 25 vjeçar për kolegët brenda komisariatit para se të qëllonte efektivin

1653342769_Polish20220523235033320.jpg

‘Ulni kokat’, kjo ishte thirrja që i bëri efektivëve të tjerë në sallë 25-vjeçari Ludjan Zaimi para se të qëllonte për vdekje kolegun e tij Çaush Saliasi me armën e shërbimit, bëjnë me dije burime për Report Tv. Në dëshminë e tij ka thënë se e shante dhe e ofendonte, ndaj nxori armën dhe e qëlloi brenda komisariatit nr.3. Burime bëjnë me dije se djali ishte i mbyllur në vetvete dhe merrte ilaçe për depresionin.

Ndërsa viktima pinte alkool dhe kanë pasur debate edhe herë të tjera. Fakti që drejtuesit i kishin lënë në një turn i kishte shtuar debatet mes tyre. Ngjarja e rëndë ka ndodhur në vendin ku shkëmbehen turnet, ndaj kanë qenë të pranishëm edhe kolegë të tjerë se ndërroheshin turnet. Viktima e ofendonte duke i thënë “qorr” dhe duke e sharë nga nëna derisa 25-vjeçari nuk e mbajti dot kontrollin dhe nxori armën për ta qëlluar.

Ora 10:32
Vrau kolegun në komisariat/ Zbadhet dëshmia e policit: Çaush Saliasi nuk punonte, pinte dhe më shante! Autori kurohej me ilaçe për depresionin

 

Report Tv ka zbardhur dëshminë e autorit, Ludjan Zaimi i cili vrau kolegun e tij, Çaush Saliasi. Mësohet se Ludjan Zaimi ka deklaruar se kolegun e tallte.

"Ai s'punonte, ai pinte, ai më shante", mësohet të ketë thënë autori.

Nga hetimet paraprake se autori rezulton se kurohej me ilaçe degresive.

Ora 09:18
Foto/ Kush është efektivi që u vra nga kolegu me armën e shërbimit brenda komisariatit nr.3

1653376960_caushsaliasi.jpg

Ky është efektivi Çaush Saliasi, i cili humbi jetën mbrëmjen e djeshme në spitalin e Traumës pasi u qëllua nga kolegu i tij 25-vjeçar me armën e shërbimit brenda komisariatit nr.3 në Tiranë. Autori është shprehur se shkak është bërë tallja që i bënte kohë pas kohe 55-vjeçari Saliasi.

Ora 09:17
VIDEO/ Momenti kur efektivi transportohet në spital nga kolegët! Kaos në Komisariatin Nr.3 në Tiranë

 

Report Tv ka siguruar pamjet nga Komisariati Nr.3., menjëherë pas ngjarjes së rëndë kur efektivi 25-vjeçar Ludjan Zaimi qëlloi me armën e shërbimit kolegun e tij Çaush Saliasi, 55 vjeç.

Ndonëse u qëllua 6 herë, kolegët kishin shpresa se Saliasi do të jetonte dhe në pamjet e siguruara nga gazetari i Report Tv, Arsen Rusta, duket se në gjendje paniku përpiqen ta fusin në makinën e policisë dhe ta çojnë me urgjencë në spital për të marrë trajtim mjekësor.

Në komisariat duket gjendja e kaosit e shkaktuar nga të shtënat me armë dhe të gjithë janë në lëvizje.

A.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • jani: 26/05/2022 01:26

    NUK mund te shash kolegun kudo qe te jete ne pune,,,,vecanerisht ne ushtri dhe ne polici eshte e ndaluar te fyesh kot kolegun sepse ne keto pune te gjithe jane te armatosur dhe ne vere sidomos njerezve i hipen gjaku ne koke dhe ndodh kjo qe ndodhi,,,prandaj shefat e policise te keshillojne policet e vjeter e te rinj qe te mos perdorin fjale fyese,,,se shkon per dhjame qeni si ky karafili.....

    Përgjigju
  • Iris: 25/05/2022 00:13

    Ju kujtohet kur Berisha perdorte te njejtin emer dhe per Sajmirin dhe emera te tjere per kundershtaret e tij? Duhen ashpersuar rregullat me policine.Testi i alkoolit u duhet bere dhe policeve para fillimit te turnit dhe kur kthehen nga lunch-i dhe kush del qe ka pire te dergohet ne shtepi per ate dite dhe t'i hiqet rroga per ate dite.Gjithashtu eproret duhet te jene te kujdesshem per raste te ngjashme konfliktesh,sepse duket qe te gjithe e dinin qe keta nuk shkonin me njeri-tjetrin dhe jo vetem qe nuk ishin interesuar t'a zgjidhnin konfliktin duke biseduar me te siperpermendurit e duke i ballafaquar qe te gjenin nje zgjidhje,por perkundrazi i kane lene te dy ne nje turn si gjelat luftarake qe i vene bashke te ndeshen per baste.

    Përgjigju
  • Altin: 24/05/2022 22:27

    Keta nuk mbrojne veten, kolegun, le neve. Nje surrat kane me kriminelet. Dallojne nga rrobat blu dhe shenkat policia. Ah, po. Kjo eshte dhe shembelltyra e policise qe do, kryedallkauku Rama.

    Përgjigju
  • Gjergj: 24/05/2022 18:10

    Ky stan, kètè bulmet ka. Eprorèt, ruajnè pulat dhe nuk shohin se si situata pèrkeqèsohet dita ditès. Njè polici e tillè nuk i hyn nè punè as vetes, lère pastaj popullatès. Kèshtu shkon pèr lesh gjithçka , shthurja zèvèndèson etikèn profesionale, ajo qè duhet tè simbolizonte shtetin, policia, bèhet gazi i botès me veprime ordinere dhe vrasje nè radhèt e veta.

    Përgjigju
  • Fshati: 24/05/2022 16:44

    Keta sharjet, qorr, topall, shtremaluq, shurth jane ADN-ja e budallenjeve mendjemedhenje. Nje djale i zgjuar duhet te kishte gjetur nje zgjidhe tjeter.

    Përgjigju
  • Scutari: 24/05/2022 16:28

    Eprori i tij e drejtpërdrejtë dhe psikologu janë fajtorët sepse ngjarja mund të evitohej!

    Përgjigju
    • Lloji: 24/05/2022 18:05

      Nuk njihen me keto terma qe me te drejt thoni Ju, Eprorit i thone “i modhi…” Kurse Psikologut i thone ai i “mençuri”????

  • Mjeku: 24/05/2022 15:40

    Ky Saliasi e ka pas hak plumbin, por mori n'qaf ket çunin e ri.

    Përgjigju
  • Paul: 24/05/2022 15:05

    Ke shan ti mor ...qen..na.na.na.na.

    Përgjigju
  • Agjenti: 24/05/2022 14:44

    Kshu eshte kur i fusni me miq. Kurohej me antidepresante dhe ju i jepni te mbaje arme?! Ju qofshi o paloshtet dhe palodrejtues

    Përgjigju
  • Loran: 24/05/2022 12:05

    Patronazhist dhe shperndares droge

    Përgjigju
  • Sondazhi i ditës:

    Reforma territoriale, mendoni se ndarja aktuale në 61 bashki është në rregull?



×

Lajmi i fundit

Rezoluta për Srebrenicën, opozita shpalos amendamentet: Dokumenti është i paplotë! Duhen dënuar qartë gjenocidi

Rezoluta për Srebrenicën, opozita shpalos amendamentet: Dokumenti është i paplotë! Duhen dënuar qartë gjenocidi