Jakov Milatoviç, presidenti i sapozgjedhur i Malit të Zi pas fitores së tij premtoi se brenda 5 viteve të ardhshme, Mali i Zi do të jetë vend anëtar i Bashkimit Europian gjithashtu se nuk do të ketë më konflikte me asnjë prej fqinjve në rajonin e Ballkanit.
“Në pesë vitet e ardhshme ne do ta fusim Malin e Zi në Bashkimin Evropian. Gjithashtu, nuk do të ketë më kurrë konflikte nga Mali i Zi ndaj asnjë vendi të Ballkanit Perëndimor dhe fqinjëve tanë. Ne duam unitet, harmoni dhe përparim në Ballkanin Perëndimor evropian”.
Milatoviç tha se Mali i Zi bëri një hap përpara dhe i tha lamtumirë regjimit të mundur të Gjukanoviçit dhe bëri një hap drejt një të ardhme më të mirë dhe europiane.
“E shihni fuqinë e Malit të Zi të përbashkët. Prandaj kjo fitore është kaq e madhe dhe kaq historike. I thamë lamtumirë krimit dhe korrupsionit. Kjo është një ditë historike për të gjithë, i ftoj të gjithë të festojmë me dinjitet”, ka theksuar ai.
Milatoviç tha se premton të jetë president i të gjithë qytetarëve.
"Kjo është me të vërtetë një fitore për një Mal të Zi të pajtuar dhe askush nuk do të debatojë më me Malin e Zi," tha ai.
Në fjalimin e Milatoviçit në qendrën universitare morën pjesë, kryeministri në detyrë, Dritan Abazoviç, presidenti i PES Milojko Spajiç, lideri i Demokratëve Aleksa Beçiq, krerët e DF Andrija Mandiq dhe Milan Knezheviç, ish-kryeministri Zdravko Krivokapiç.
Mbrëmjen e djeshme, mori fund epoka e Milo Gjikanoviç në krye të shtetit malazez, pas fitores së thellë të rivalit të tij, Jakov Milantoviç në raund e dytë të zgjedhjeve presidenciale.
Sipas rezultateve nga raundi i dytë i zgjedhjeve që u mbajt në 2 prill, kandidati për president Jakov Milatoviç fitoi me 60% të votave kundrejt 40% të Gjukanoviç.
Raundi i parë i zgjedhjeve presidenciale u mbajt më 19 mars me pjesëmarrjen e shtatë kandidatëve, por askush nuk fitoi shumicën e nevojshme të votave (më shumë se 50 për qind). Sipas rezultateve të përkohshme të Komisionit Shtetëror Zgjedhor (KSHZ), Gjukanoviç fitoi 35,37 për qind të votave (ose 119.673 vota), ndërsa Milatoviç 28.92 (97.858).
“Sonte është nata që kemi pritur për më shumë se 30 vjet, kjo është fitorja e Malit të Zi të pajtuar”, tha në fjalimin e parë si Presidenti i ri i Malit të Zi, Jakov Millatoviç. Ai u lind në Podgoricë, në dhjetor të 1986. Pasi përfundoi studimet për Ekonomi në Universitetin e Podgoricës, Millatoviç kaloi një vit si studiues në Universitetin Shtetëror të Illinoisit në SHBA, dhe më pas vazhdoi studimet në Vjenë dhe Romë. Mori diplomën në nivelin master në ekonomi në Oksford. Pas studimeve akademike, ai punoi në një bankë rajonale dhe më pas në Deutsche Bank, para se t’i bashkohej Bankës për Rindërtim dhe Zhvillim si ekonomist në Londër dhe Podgoricë. Në zgjedhjet e 2020 ai fitoi një ulëse në Parlamentin e Malit të Zi, ku fitoi shumica pro-serbe dhe pro-serbe ortodokse.
Millatoviç la punën jashtë vendit dhe u bë ministër i Ekonomisë në Qeverinë “teknike” të kryeministrit Zdravko Krivokapiç dhe ishte një prej “12 dishepujve” në Qeverinë që u formua në negociatat e përcjella nga afër nga Kisha Ortodokse Serbe. Në Qeveri, Millatoviçit shumë shpejt iu bashkua edhe ministri i Financave, Millojko Spanjiç. Të dy shumë shpejt treguan se kishin aftësi të fitonin simpatinë e populistëve duke u bërë arkitektë të një skeme reformash me rritje pagash. E quajtur si “Evropa Tani”, dyfishoi pagën minimale nga 222 euro në 450 euro dhe atë mesatare nga 530 euro në 670 euro. Ai sugjeroi se shteti mund të arrijë të ketë “një pagë mesatare mujore prej 1.000 eurosh ”.
Kritikët veçuan se këto vendime dëmtuan aspektin financiar të sistemit të kujdesit shëndetësor dhe e bënë shtetin të cenueshëm ndaj një “skenari grek” të falimentimit, por dështim për Millatoviç ishte pasojë e mungesës së vullnetin politik. Në qershor të vitit 2022, Spajiç si kryetar dhe Millatoviç si zëvendës i tij, krijuan partinë Lëvizja Evropa Tani, të përshkruar si centriste, pro-BE-së me axhendë kundër korrupsionit. Në tetor të 2022, me Millatoviçin që udhëhiqte listën Evropa Tani në Podgoricë fitoi 21% të votave. Spajiç, i bëri publike planet e tij për të sfiduar Gjukanoviçin në zgjedhjet presidenciale, por pjesëmarrja e tij në garën presidenciale u pengua për shkak se adresa e tij zyrtare e banimit për një kohë të gjatë ka qenë në Serbi dhe për shkak të dyshimeve se ka shtetësi të dyfishtë duka ia zënë vendin Millatoviç i cili edhe fitoi.
Lajme të tjera
-
Opozita në Malin e Zi si ajo në Shqipëri, deputetët hedhin tymuese në komision pas debatit për anëtarët e Gjykatës Kushtetuese
18 Dhjetor, 12:48 -
Kreu i SPAK dhe Kryeprokurori Special i Malit të Zi nënshkruajnë Memorandum Bashkëpunimi
17 Dhjetor, 18:36 -
Monumenti i Gjergj Kastriotit vendoset edhe në Tuz të Malit të Zi
28 Nëntor, 21:55 -
I dërguari i SHBA për Ballkanin Perëndimor, vizitë në Malin e Zi: Mbështesim reformat në sundimin e ligjit
20 Nëntor, 15:45 -
Abazoviç: Roli i Shqipërisë, i rëndësishëm për stabilitetin në rajon
16 Nëntor, 15:48 -
Ballkani hyn më shpejt në BE?/ Von der Leyen: Përfiton prej tensioneve gjeopolitike
31 Tetor, 17:15 -
SHBA sanksionon firmat serbe dhe malazeze për shkak të mbështetjes të luftës së Rusisë
31 Tetor, 15:50 -
Progres-raporti i BE, Ulsi Manja me homologun malazez: Nisim takime në nivel teknik për kapitullin 23
30 Tetor, 09:39 -
Tronditet Mali i Zi/ Vëlla e motër gjenden të vrarë, autori i armatosur ende në arrati! Policia thirrje banorëve të mbyllen në shtëpi
26 Tetor, 09:32 -
Censi në Malin e Zi/ Shqiptarët deklarohen më pak se 5%, janë 30 mijë shtetas me origjinë shqiptare! Shtohen serbët! 2 % janë rusë
15 Tetor, 15:48
-
Abetarja e unifikuar për shqiptarët e Malit të Zi, presidenti Begaj: Gjuha është rrënja e kombit! Të jemi bashkë pavarësisht ideologjive politike
8 Tetor, 09:29 -
Kapen rreth 95 kilogramë marijuanë në Tuz të Malit të Zi, erdhi nga Shqipëria, arrestohet shqiptari
30 Shtator, 17:01
