Udhëzimi, si do plotësohet formulari
A2 nga aplikantët për në universitet

TIRANE- Agjensia Kombëtare e Provimeve ka publikuar udhëzimin se si do të plotësohet formulari A2 nga maturantët. Edhe këtë vit pranimet në universitete do të bëhen në bazë të mesatares dhe notave të 4 provimeve.

“Përcaktimi ifituesve  ndërmjet  maturantëve për studime  universitare të ciklit të parë, në Institucionet e Arsimit të Lartë Publik, sipas parimit Meritë – Preferencë, bëhet si më poshtë vijon: Parimi i meritës përcaktohet sipas pikëve të grumbulluara në bazë të rezultateve të shkollës së mesme, të provimeve  të  Maturës  Shtetërore (të detyruara dhe me zgjedhje) dhe për programe studimi të caktuara, edhe sipas rezultateve të arritura në konkurs.