Plani i UEFA-s i vendosur të martën e kaluar me formulën aktuale për të mbyllur kampionatet europiane më 30 qershor po shkon drejt dështimit. Pandemia e koronavirusit nuk po jep sinjale të largimit dhe në kushtet aktuale të flitet për rifillimin e futbollit duket si utopike.
Për këtë arsye, duke iu referuar mediave italiane, UEFA pritet të mbajë sot një tjetër mbledhje për të diksutuar rreth kësaj çështje. Ideja është shkurtimi i disa ndeshjeve në mënyrë që kampionatet të mbyllen në afatin e përcaktuar, pasi në të kundërtën rrezikohen kualifikueset e kupave të Europës.
Më konkretisht UEFA po mendon për reduktimin e ndeshjeve të Kupës të secilit shtet. Madje nëse kjo nuk është e mjaftueshme atëherë do të sakrifikohen edhe ndeshjet miqësore dhe zyrtare të kombëtareve të caktuara të luhen në qershor, që më herët ishin programuar për muajin mars.
![](https://shqiptarja.com/template/img/NO_ALFA_Kuadrate shqiptarja.png)
Gjithsesi të gjitha këto qëndrojnë në formën e hipotezave, por indicie ka patur. Së fundmi UEFA ka lajmëruar se zyrtarisht janë shtyrë për një datë të pacaktuar finalet e Chemapions League dhe Europa League. Po ashtu të njëjtin fat ka patur edhe finalja e Champions League për femra.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)