BELSH- Në Bashkinë Belsh, kanë nisur punimet për ndërtimin e ujësjellësit të ri, një investim i qeverisë shqiptare, i ndarë në tre faza dhe që do të garantojë furnizim të pandërprerë me ujë të pijshëm për afro 33 mijë banorë. Për herë të parë, në këtë ujësjellës do të pilotohet funksionimi i tij përmes autoprodhimit të energjisë elektrike duke reduktuar në këtë mënyrë kostot.
Ministrja e Infrastrukturës dhe Energjisë, Belinda Balluku, e shoqëruar nga drejtori i AKUM, Alqi Bllako dhe kryetari i Bashkisë Belsh, Arif Tafani, kanë inspektuar punimet për ndërtimin e ujësjellësit, ku janë njohur nga afër me ecurinë e tyre.
Duke ju referuar potencialit turistik që ofron bashkia e Belshit, ministrja Belinda Balluku tha se qeveria ka investuar dhe do të vijojë të investojë në këtë zonë, për të përmirësuar infrastrukturën me qëllim nxitjen akoma dhe më shumë të zhvillimit të turizmit.
“Fakti që ne do arrijmë brenda vitit 2021 të shërbejmë 33 mijë banorë, ose rreth 2900 abonentë ujë të pijshëm 24 orë, është një arritje shumë e madhe, pasi kështu mbulojmë një nga zonat më interesante turistike, por nga ana tjetër plotësojmë dhe një nga pesë kolonat e strategjisë që qeveria ka, që është ajo e ujit, pra për t’i ofruar çdo qytetari për frymë rreth 150 litra në ditë' u shpreh Balluku.
Ministrja e Infrastrukturës dhe Energjisë shtoi më tej se ujësjellësi i Belshit do të jetë i pari ku një institucion shtetërore do të jetë edhe autoprodhues duke hedhur kështu një hap të rëndësishëm drejt efiçencës së energjisë.
“Ky ujësjellës do të kthehet në një ndërmarrje fitimprurëse. Është e ditur tashmë që ujësjellësat kanë pasur problematika kryesisht përsa i përket furnizimit me energji dhe në këtë rast këtu do të pilotojmë edhe energjinë e prodhuar nga dielli. Kjo është shumë e rëndësishme pasi do jetë projekti i parë kur vetë një njësi shtetërore administrative, do të jetë autoprodhues. Efiçenca e energjisë është primare dhe ne po mundohemi sot ta shtrimë në të gjitha godinat shtetërore. Kemi nisur me Ministrinë e Infrastrukturës dhe në godina të tjera ku përmes paneleve prodhojmë energjinë që konsumojmë gjatë ditës”, nënvizoi Balluku.
Ministrja Balluku u ndal edhe në një tjetër zhvillim të rëndësishëm për zonën e Dumresë, siç është marrëveshja hidrokarbure e firmosur pak ditë më parë mes Ministrisë së Infrastrukturës dhe Energjisë dhe kompanisë italiane ENI.
“Zona e Dumresë vitin 2019 e ka mbyllur edhe me një arritje të madhe përsa i përket kontratës që kemi mbyllur me ENI-n. Kjo kontratë është akoma dhe më e mire, përsa i përket të gjithë kujdesit që kompania duhet të tregojë për mjedisin këtu në Dumre, duke qenë se ky është një vend me potencial të lartë turistik. Kjo kontratë do jetë shumë e mirë gjithashtu edhe për zhvillimin ekonomik të zonës, pasi parashikohet punësim dhe me pas trajnim të stafeve teknike, të cilat do punojnë për kompaninë ENI dhe gjithashtu dhe të studentëve të ekselencës që janë nga kjo zonë dhe sot studiojnë në Universitetin Gjeologjik të Tiranës”, shtoi ministrja Belinda Balluku.
Drejtori Bllako bëri të ditur detaje të këtij projekti, ku faza e parë e tij pritet të përfundojë brenda dy muajve të ardhshëm për t’i hapur rrugë më pas fazës së dytë dhe të tretë.
“Faza e parë konsiston në 14 kilometra linjë kryesore nga stacioni kryesor i pompimit në Shelg, kalon nëpërmjet depos Gastare dhe del në depon e qytetit të Belshit. Gjithashtu gjatë fazës së parë do të hapen dhe tre pus-shpime të tjera për të garantuar sasinë e nevojshme të ujit duke u shtuar edhe me tre puse të tjera gjatë fazës së dytë. Gjithashtu do ndërtohet dhe një depo e re 1 mijë metra kub. Por, risia më e madhe e këtij ujësjellësi, që është risi dhe në nivel kombëtar, është impianti fotovoltaik që implementohet për herë të parë dhe do të bëjë të mundur që ujësjellësi i Belshit të ketë zero kosto të energjisë elektrike”, u shpreh Bllako.
Nga ana e tij, Kryetari i bashkisë Belsh, Arif Tafani falënderoi qeverinë për investimet e bëra në këtë bashki teksa shtoi se ndërtimi i ujësjellësit është një premtim i mbajtur tashmë, të cilin kryeministri Edi Rama e bëri para banorëve të kësaj zone.
Lajme të tjera
-
Konferenca e Kryetarëve/ PS rrëzon komisionin hetimor për Ballukun, lidhur me Porto Romanon! Bardhi: Aferë korruptive! Balla: Kërkoni 6 muaj hetim, s'ka kohë
23 Dhjetor, 12:27 -
'Mali' i borxheve fut në kolaps ujësjellësin e Tepelenës, drejtori: Prej vitesh nuk paguajnë familjet e varfra! Debitore dhe Bashkia e Tepelenës
23 Dhjetor, 10:34
-
Dosja e inceneratorit të Tiranës, GJKKO nis gjykimin e ish-deputeti të PS, Alqi Bllako
20 Dhjetor, 13:09 -
Balluku live me Agron Shehajn në Facebook! Deputeti akuza: Hajdute, bën jetë milionereje! I ke të gjithë vartësit në burg (VIDEO)
19 Dhjetor, 13:51 -
Vjosa Osmani e zemëruar me BE pas samitit të Ballkanit Perëndimor
19 Dhjetor, 11:17 -
Debate në Kuvend/ Shehaj akuzon Ballukun: Ka 6 muaj shmang interpelancën, 1,3 mld euro Thumanë-Kashar, skandal! S’ka lekë për pensione, por hedh valle në festat e PS
19 Dhjetor, 10:25 -
Përplasje në Kuvend, 'mollë sherri' Bashkim Ulaj dhe interpelanca me Ballukun! Shehaj bllokon 4 orë foltoren, Spiropali e përjashtoi, Noka e shtyn me forcë
19 Dhjetor, 08:07 -
Protestoi te ‘Infrastruktura’ se nuk i jepnin fondin e rindërtimit, 62-vjeçares i premtohet zgjidhje pas denoncimit në Report Tv! Natën e kaloi para Ministrisë
18 Dhjetor, 08:50 -
Nuk merr fondin për dëmtimin e shtëpisë nga tërmeti, gruaja në grevë urie para Ministrisë së Infrastrukturës: Balluku të më japë zgjidhje ose të marrë dhuratë vetëflijimin tim
17 Dhjetor, 18:45 -
Blushi nga Fieri: Rama 'babai' i korrupsionit, Balluku duhet të ishte në burg! Meta u arrestua sepse i denoncoi, SPAK në kontroll të kryeministrit
15 Dhjetor, 19:31 -
Bardhi denoncon zv/kryeministren: Vetëm me firmën e Ballukut ndodhin vjedhje dhe skandale të tilla, çfarë duhet më shumë për të mbajtur përgjegjësi?!
15 Dhjetor, 19:13 -
GJKKO kalon për gjykim dosjen e inceneratorit të Tiranës me 12 të pandehur, mes tyre ish ministri Lefter Koka, Alqi Bllakos i rikualifikohet vepra penale
13 Dhjetor, 11:15
