POP 5

Lajmet më të lexuara të 5 minutave të fundit

Bota

Ukraina godet me dronë në thellësi të territorit rus

Një video e postuar në kanalin lokal të lajmeve Telegram Astra, e verifikuar nga Associated Press, tregon një dron që përplaset në katet e sipërme të një ndërtese të lartë. Autoritetet lokale thanë se nuk pati viktima.

Ukraina godet me dronë në thellësi të territorit rus

Ndërtesë në Rusi e goditur nga një dron ukrainas

Ukraina ndërmori të shtunën në mëngjes sulme me dronë në thellësi të territorit rus, që autoritetet lokale thanë se dëmtuan godina banimi në qytetin Kazan të rajonit të Tatarstanit, mbi 1000 kilometra larg vijës së frontit.

Zyra e shtypit e guvernatorit të Tatarstanit, Rustam Minnikhanov, tha se tetë dronë sulmuan qytetin. Gjashtë prej tyre goditën godina banimi, një goditi një objekt industrial dhe një u rrëzua mbi një lumë, thuhet në deklaratë.

Një video e postuar në kanalin lokal të lajmeve Telegram Astra, e verifikuar nga Associated Press, tregon një dron që përplaset në katet e sipërme të një ndërtese të lartë. Autoritetet lokale thanë se nuk pati viktima.

Fluturimet në aeroportin e Kazanit u ndalën përkohësisht dhe të gjitha tubimet masive u anuluan për të shtunën dhe të dielën.

Sulmet, për të cilat Ukraina nuk mori përgjegjësi në përputhje me politikën e saj të sigurisë, vijnë pas një sulmi ukrainas të premten në një qytet në rajonin kufitar Kursk të Rusisë duke përdorur raketa të dërguara nga SHBA, duke vrarë gjashtë persona, përfshirë një fëmijë.

Moska lëshoi 113 dronë në Ukrainë gjatë natës së të shtunës, thanë zyrtarët ukrainas.

Sipas Forcave Ajrore të Ukrainës, 57 dronë u rrëzuan gjatë sulmeve. 56 dronë të tjerë "humbën". Gjasat janë që ato janë çaktivizuar në mënyrë elektronike.

Guvernatori i rajonit të Kharkivit në Ukrainës, Oleh Syniehubov, tha se tetë persona u plagosën të premten mbrëma në sulmet me dronë në kryeqytetin rajonal, të quajtur gjithashtu Kharkiv./ VOA

K.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 24 Mars, 23:36

    Zgjedhjet e 11 majit, a i besoni premtimet e partive?

Lajme të tjera



×

Lajmi i fundit

Aktivitetet kulturore/ Opereta ‘Karnavalet’ te TKOB! ‘Vrasje në vjeshtë’ në Teatrin Kombëtar Eksperimental ‘Kujtim Spahivogli’

Aktivitetet kulturore/ Opereta ‘Karnavalet’ te TKOB! ‘Vrasje në vjeshtë’ në Teatrin Kombëtar Eksperimental ‘Kujtim Spahivogli’

25 Mars, 12:09 nga Blerina Goce