Gazi i importuar nga Rusia do të përdoret për nevojat e konsumatorëve. Ukraina njofton se ka rifilluar importimin e gazit nga Rusia, raporton Anadolu Agency (AA).

Maksim Beljavskij, zëdhënësi i Ukrtransgaz, kompania e shpërndarjes dhe transportit të gazit në Ukrainë në një deklaratë të publikuar ka theksuar se Ukraina ka filluar importin e gazit prej 43.5 milion metërkub në ditë nga Rusia.

Beljavskij, ka theksuar se gazi i importuar nga Rusia do të përdoret për nevojat e konsumatorëve. Kompania Naftogaz më 5 dhjetor ka bërë një para-pagesë prej 378 milion dollarë ndaj Gazpromit Rus për importimin në Ukrainë të 1 miliard metërkub gaz deri në fund të vitit.

Për shkak të problemeve të mëparshme mes Ukrainës dhe Rusisë nën sigurinë dhe ndërmjetësimin e Këshillit Europian u bë e mundur importimi i gazit nga Rusia me kushtin që Ukraina të bëjë parapagim për gazin që do të importojë.

Redaksia Online
(Shqiptarja.com)