Sipas deklaratës së Kremlinit, Presidenti rus, Vladimir Putin, i kishte kërkuar një ish-togeri të themeluesit të formacionit paraushtarak Wagner, Yevgeny Prigozhin, i cili vdiq muajin e kaluar në një aksident avioni, të trajnojë vullnetarë të rinj që do të luftojnë në Ukrainë.
“Gjatë takimit të fundit përmendëm faktin se do të përfshiheni në formimin e njësive vullnetare të afta për të kryer misione të ndryshme luftarake, kryesisht, siç është e dukshme, në zonën e ‘operacionit special ushtarak’”, se është në Ukrainë", kështu tha presidenti Putin duke iu drejtuar Andrei Troçevit sipas deklaratës së Kremlinit.
Një tjetër dron ukrainas është rrëzuar nga mbrojtja ajrore e Moskës mbi rajonin jugperëndimor rus të Belgorodit. Kjo është raportuar nga Ministria ruse e Mbrojtjes e cituar nga agjencia e lajmeve Tass. Qyteti Belgorod është shpesh në shënjestër të dronëve ukrainas, por dita e sotme ishte skena e një inkursioni të luftëtarëve pro-ukrainas nga Legjioni i Lirisë së Rusisë.
"Një përpjekje tjetër e regjimit të Kievit për të kryer një sulm terrorist në territorin rus u dështoi rreth orës 21:00’, tha ministria, duke shpjeguar se "njësitë e mbrojtjes ajrore në detyrë kapën një dron ukrainas pa pilot mbi rajonin e Belgorod".
Qeveria e Mbretërisë së Bashkuar ka vendosur sanksione ndaj Moskës për zgjedhjet "e rreme" në territoret ukrainase të aneksuara vitin e kaluar në një referendum dhe në Krime, duke synuar jo vetëm Komisionin Qendror të Zgjedhjeve, por edhe zëdhënësen e Ministrisë së Punëve të Jashtme, Maria Zakharova.
Zakharova e njohur në mediat perëndimore si protagoniste e diskutimeve të ashpra me gazetarët britanikë gjatë konferencave për shtyp. Në shënimin e publikuar nga Ministria e Jashtme, zyrtarët rusë akuzohen se "kanë vepruar drejtpërdrejt për të dobësuar Ukrainën dhe kërcënuar integritetin e saj territorial".
Për Sekretarin e Jashtëm britanik, James Cleverly, "zgjedhjet e rreme të Rusisë janë një përpjekje transparente dhe e kotë për të legjitimuar kontrollin e saj të paligjshëm mbi territorin sovran të Ukrainës".
Britania shtoi se nuk do t'i njohë kurrë pretendimet e Moskës për territoret në fjalë, Krimenë (e aneksuar në 2014), Zaporizhzhia, Donetsk, Luhansk dhe Kherson, të janë nën kontrollin rus që prej vitit të kaluar pavarësisht konfliktit me Kievin.
Presidenti ukrainas Volodymyr Zelensky dhe aktivisti rus Alexei Navalny janë në garë për Çmimin Nobel të Paqes të këtij viti. Vendimi i takon Komitetit Norvegjez të Nobelit, i përbërë nga pesë anëtarë të zgjedhur nga parlamenti norvegjez.
Mes 351 të nominuarve, Zelensky dhe Navalny janë të preferuarit, por ekspertët thonë nse shanset e tyre janë të pakta, veçanërisht pasi Zelenskyy është një udhëheqës në një kohë luftë dhe fokusi i komitetit në Rusi vitin e kaluar ndikon në shanset e të dy burrave, raporton agjencia e lajmeve ndtv.
Lista e plotë e kandidatëve mbetet sekrete, por emrat e zbuluar përfshijnë ambientalisten Greta Thunberg, kreun e opozitës ruse Vladimir Kara-Murza dhe protestuesin kinez Peng Lifa.
Laureati merr jo vetëm një medalje dhe diplomë, por edhe 11 milionë korona suedeze (afërsisht 812,306 £). Fituesi do të shpallet zyrtarisht më 6 tetor, me ceremoninë e planifikuar me 10 dhjetor në bashkinë e Oslos.
Laureat është që fiton çmimin e parë në një konkurs të madh ose çmimin më të lartë për vepra të shquara e për shërbime të veçanta në një fushë të shkencës, të letërsisë, të arteve, të prodhimit etj.
Kryeministri hungarez, Viktor Orban tha sot, të premten, se “çështjet shumë të vështira” duhet të marrin përgjigje përpara se Bashkimi Europian të fillojë bisedimet për anëtarësimin e Ukrainës.
Vendet e BE-së do të vendosin në dhjetor nëse do të lejojnë Ukrainën të fillojë negociatat e pranimit, të cilat do të kërkonin mbështetjen unanime të të 27 anëtarëve.
Diplomatët kanë thënë se Hungaria mund të jetë një pengesë.
“Ne nuk mund ta shmangim pyetjen, kur gjatë vjeshtës të fillojmë negociatat në Bruksel për të ardhmen e Ukrainës nëse mund të shqyrtojmë seriozisht mundësinë e bashkimit me një vend dhe të fillojmë bisedimet e anëtarësimit të një vendi që është në luftë. Ne nuk e dimë sa i madh është territori i këtij vendi, pasi lufta vazhdon ende, nuk e dimë se sa është popullsia e tij, pasi po largohet, duke pranuar një vend në BE pa i ditur parametrat e tij, kjo do të ishte e paprecedentë. Pra, unë mendoj se ne duhet t’u përgjigjemi pyetjeve shumë të vështira derisa të vendosim në të vërtetë për fillimin e bisedimeve të anëtarësimi", tha Orban.
Sipas deklaratës së Kremlinit, Presidenti rus, Vladimir Putin, i kishte kërkuar një ish-togeri të themeluesit të formacionit paraushtarak Wagner, Yevgeny Prigozhin, i cili vdiq muajin e kaluar në një aksident avioni, të trajnojë vullnetarë të rinj që do të luftojnë në Ukrainë.
"Gjatë takimit të fundit përmendëm faktin se do të përfshiheni në formimin e njësive vullnetare të afta për të kryer misione të ndryshme luftarake, kryesisht, siç është e dukshme, në zonën e ‘operacionit special ushtarak’”, se është në Ukrainë", kështu tha presidenti Putin duke iu drejtuar Andrei Troçevit sipas deklaratës së Kremlinit.
Ministria e Mbrojtjes e Mbertërisë së Bashkuar pretendon se qindra luftëtarë të lidhur më parë me grupin e mercenarëve Wagner mund të jenë kthyer në Ukrainë.
Detajet e sakta të statusit të këtyre luftëtarëve janë të paqarta, thotë Ministria e Mbrojtjes, por besohet se ata i janë bashkuar forcave zyrtare ushtarake ruse dhe kompanive të tjera ushtarake private.
Grupi Wagner u tërhoq nga operacionet në Ukrainë në fillim të qershorit, pak para rebelimit të dështuar më 24 qershor dhe vdekjes së themeluesit të tij, Yevgeny Prigozhin, në një aksident avioni muajin e kaluar, raporton agjencia e lajmeve News Sky.
Në zhvillime të tjera mbi Grupin Wagner këtë mëngjes, Kremlini ka thënë se Andrei Troshev, një nga komandantët e tij dhe thuhet se kandidati i preferuar i Vladimir Putin për të udhëhequr grupin, tani po punon në mënyrë aktive për ministrinë e mbrojtjes.
NATO ka rritur praninë e saj ajrore në pjesën lindore të aleancës duke përdorur avionë luftarakë, aeroplanë vëzhgimi dhe cisterna. Në një deklaratë nga NATO thuhet se 2 avionë AWACS do të mbërrijnë sot në rajonin Siauliai të Lituanisë.
Zëvendës zëdhënësi i NATO-s, Dylan White tha se fokusi intensiv për sigurinë në rajonin e Baltikut është rritur pas sulmit të Rusisë ndaj Ukrainës, raporton agjencia e lajmeve turke Anadolu.
Lufta e Rusisë kundër Ukrainës ka rritur fokusin tonë në mjedisin e sigurisë në rajonin e Detit Baltik. Avionët tanë AWACS mund të zbulojnë avionët dhe raketat e tjerë nga qindra kilometra largësi. Falenderoj Lituaninë për pritjen e avionit. Ky është një kontribut i rëndësishëm për sigurinë tonë të përbashkët", tha White.
Avionët e NATO-s po dërgohen në Lituani nga baza ajrore Geilenkirchen e Gjermanisë. Në Lituani do të shkojë edhe një personel ushtarak prej 150 personash të cilët do të qëndrojnë në vend për të paktën disa javë. Avionët AWACS të NATO-s që nga fillimi i luftës në Ukrainë në shkurt 2022, kanë kryer qindra fluturime në Evropën Lindore për të monitoruar avionët luftarakë rusë.
NATO pas sulmit të Rusisë ndaj Ukrainës rriti praninë ajrore në krahun lindor të saj. Në rajon u vendosën shumë avionë luftarakë, avionë zbulues dhe monitorues si dhe avionë tankerë. Së fundmi SHBA-ja dërgoi 4 avionë shtesë F-16 në Rumani me qëllimin për të forcuar patrullimet ajrore të NATO-s, pasi në Rumani u gjetën pjesë të mjeteve ajrore pa pilot për të cilat u pretendua se i përkisnin Rusisë.
Lajme të tjera
-
Shqipëria dërgon ushtarë në komandën e NATO-s për të trajnuar forcat e Armatosura të Ukrainës
18 Dhjetor, 18:08 -
Zelensky: Nuk kemi forca për të rimarrë Krimenë dhe Donbasin! Rusia: Të hapur ndaj propozimeve nga i dërguari i Trump
18 Dhjetor, 17:12 -
Medvedev kërcënon zyrtarët e NATO-s, pas vrasjes së gjeneralit rus
18 Dhjetor, 16:43 -
Ja si u arratis Assad nga Siria! Nga përdorimi i 2 avionëve tek ndihma e Turqisë
18 Dhjetor, 16:21 -
Forcat ruse largohen nga vendlindja e Assadit
18 Dhjetor, 15:42 -
Lufta/ Vrasja e gjeneralit të armëve bërthamore Kirillov, arrestohet 29-vjeçari uzbek, i dyshuar edhe një person i dytë! Moska: I rekrutuar nga Kievi!
18 Dhjetor, 08:18 -
Si mund të duket plani i paqes për Ukrainën
18 Dhjetor, 08:14 -
BE nis hetimin ndaj TikTok pas dyshimeve për ndërhyrje në zgjedhjet rumune
17 Dhjetor, 17:56 -
Atentat në Moskë, vritet gjenerali Kirillov dhe asistenti i tij! Ishte ngarkuar me ruajtjen e armëve bërthamore! Shpërthimi me 300 gr eksploziv pranë Kremlinit! Kievi pranon autorësinë
17 Dhjetor, 08:31 -
Lufta Rusi-Ukrainë, Donald Trump: Do të bisedoj me Putin dhe Zelenskyn, duhet të bëhet një marrëveshje
16 Dhjetor, 22:37 -
Bashar al Assad flet për herë të parë pas largimit nga Siria: Nuk kam menduar kurrë të jap dorëheqjen, rusët më evakuuan
16 Dhjetor, 14:58 -
Lufta/ Merkel: S’e prisja që Putin ta pushtonte Ukrainën, të mos e lejojmë të fitojë! Rusia sulmon me 50 dronë, Kievi shkatërron kolonën armike të karburantit
16 Dhjetor, 09:11
