Plani i diskutueshëm i paqes i paraqitur nga Shtëpia e Bardhë për t’i dhënë fund luftës në Ukrainë nuk është një “ofertë merre ose lëre”.

Donald Trump i ka dhënë Kievit afat deri më 27 nëntor për të pranuar propozimin, por ka saktësuar se “nuk është oferta përfundimtare”.

“Ne do të donim të arrinim paqen. Duhej të kishte ndodhur shumë kohë më parë. Lufta mes Rusisë dhe Ukrainës nuk duhej të kishte shpërthyer. Nëse do të kisha qenë president, ajo kurrë nuk do të kishte nisur.

Ne po përpiqemi t’i japim fund. Në një mënyrë ose në një tjetër, duhet t’i japim fund”, tha presidenti i Shteteve të Bashkuara përpara se të nisej drejt bazës ajrore pranë Andrews.