KIEV - Filluan sot në orën 08:00 zgjedhjet e parakohshme parlamentare, që sipas të gjitha gjasave do të çojnë në krijimin e një maxhorance të fortë properëndimore, pas ngjarjeve të shënuara në sheshin "Maidan" të Kievit dimrin e kaluar.
"Qendrat e votimit do të mbyllen në orën 19:00", njoftoi Komisioni Qendror Zgjedhor ukrainas.
Rreth pesë milionë votues, nga 36 milionë në të gjithë vendin, nuk do të votojnë në Krime, pas aneksimit të saj nga Rusia me anë të një referendumi.
Sipas sondazheve, partia e presidentit Petro Poroshenko do të jetë fituesja e këtyre zgjedhjeve, me më shumë se 30 për qind të votave./ATSH/