POP 5

Lajmet më të lexuara të 5 minutave të fundit

Arkiva

Ukrainë, kryeministri Yatseniuk  
jep dorëheqjen: Shkak kriza politike

Kryeministri ukrainas, Arseny Yatseniuk, ka dhënë dorëheqjen këtë të dielë. Lajmin e ka njoftuar vetë kreu i qeverisë, i cili ka deklaruar se të martën në 12 prill, do të dërgojë dorëheqjen në Parlament. Pas kësaj dorëheqje, kompetencat e kryeministrit të Ukrainës i kanë kaluar kryetarit të Kuvendit, Volodimir Groysman.
Kryeministri ukrainas, Arseny Yatseniuk, ka dhënë dorëheqjen këtë të dielë. Lajmin e ka njoftuar vetë kreu i qeverisë, i cili ka deklaruar se të martën në 12 prill, do të dërgojë dorëheqjen në Parlament. Pas kësaj dorëheqje, koalicioni qeverisës pritet të mbështesë si kryeministër të ardhshëm, kryetarin e Kuvendit, Volodimir Groysman.
 
Kryeministri në detyrë, Yatsenyuk i ka rezistuar presionit politik për të dhënë dorëheqjen, ndërsa në muajin shkurt fitoi edhe një mocion mosbesimi ndaj tij. Por, një krizë politike e stërzgjatur në Ukrainë, do të vononte dhënien e ndihmës prej 17.5 miliardë dollarë nga FMN.
 
"Kam marrë vendimin për të dhënë dorëheqjen si kryeministër i Ukrainës. Të martën, në 12 prill, kërkesa ime do të paraqitet në parlament", tha Yatseniuk në një dalje televizive.
 
"Kriza politike në vend u krijua artificialisht. Dëshira për të ndryshuar një person ka verbuar politikanët si dhe ka paralizuar vullnetin e tyre politik për ndryshim të vërtetë", tha ai.
 
Forca politike e Presidentit, Petro Poroshenko (BPP) dhe partia e Yatsenyuk, Fronti Popullor, pritet të njoftojnë formimin e një koalicioni të ri javën e ardhshme.
 
Yatseniuk tha se partia e tij ishte e angazhuar të vazhdimësinë e koalicionit dhe u shpreh se do të mbështesë një qeveri të re të kryesuar nga kryetari i Kuvendit, Groysman.

"Ne nuk mund të lejojmë një krizë ne ekzekutivin qeverisës, gjatë kësaj kohe lufte për Ukrainën. Kjo do të jetë e pashmangshme, nëse pas kësaj dorëheqje një qeveri e re e Ukrainës nuk është zgjedhur", tha ai.
 
Fraksioni i BPP të Presidentit Petro Poroshenko ka emëruar Volodymyr Groysman në postin e Kryeministrit.
 
"Duke bërë gjithçka për të siguruar stabilitetin dhe vazhdimësinë e kursit tonë, unë deklaroj vendimin tim për të transferuar kompetencat dhe përgjegjësitë e kreut të qeverisë së Ukrainës, kryetarit të Kuvendit", tha Yatsenyuk.

Redaksia Online
Shqiptarja.com

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Serbi/ Studentët u rikthehen protestave në Beograd, bllokojnë pikat kryesore të qarkullimit në kryeqytet

Serbi/ Studentët u rikthehen protestave në Beograd, bllokojnë pikat kryesore të qarkullimit në kryeqytet

10 Janar, 17:38