Rritja e prodhimeve bujqësore vendase ka bërë që në qytetin e Fierit të ketë një furnizim të mirë në treg shtim të blerjeve nga konsumatorët të cilët kanë më shumë mundësi për të blerë frutat e stinës.

Por ka edhe nga ata që edhe pas uljes së çmimeve kanë ankesa pasi mundësit e tyre për të blerë frutat e stinës janë të pakta. 

Konsumator 1: Nuk themi se janë çmimi e të shtrenjta, produkte të mira, të freskëta.

Konsumator 2: Me rënien e shiut që ra, prodhimet bujqësore rritën prodhimin. Duke u rritur prodhimi, është i detyruar se konsumi kjo popullatë është, do të bie çmimi që të mos shkojë prodhimi dëm.

Konsumator 3: Mallin cilësor ne nuk e marrim dot, e shikojmë me sy, por nuk e përballon dot xhepi. Çmimet janë içik të arsyeshme, mos themi se janë të ekzagjeruara. 

Konsumator 4: Neve jemi pensionistë, jemi me pak të ardhura, mundohemi të përballojmë sado pak shpenzimet tona. 

Por ulja e çmimit të produkteve bujqësore ka shtuar edhe xhiron e shitjeve, për këtë shprehen të kënaqur edhe vet tregëtarë.

Tregtare: Prodhim i mëtepërt, ra ky shiu, nga prodhimi i tepërt, ka prodhim.

Shtresa më e prekur që nuk kanë mundësi për të blerë produktet e stinës edhe pse çmimet tashmë kanë pësuar ulje  janë pensionistët, ku sipas tyre edhe pse çmimet janë relativisht të ulta në këtë periudhë ata përsëri e kanë të pa mundur për të plotësuar kërkesat e tyre.

Redaksia Online
D.Ç./Shqiptarja.com