POP 5

Lajmet më të lexuara të 5 minutave të fundit

Ekonomi

Ulen sërish në minimum historik
interesat e bonove të thesarit

Interesat e bonove të thesarit kanë shënuar një rënie të mëtejshme. Në ankandin e zhvilluar dje në Bankën e Shqipërisë, bonot me afat maturimi 12-mujor u emetuan me një normë mesatare interesi 5.73%, minimum i ri historik.
Ulen sërish në minimum historik<br />interesat e bonove të thesarit
TIRANE - Interesat e bonove të thesarit kanë shënuar një rënie të mëtejshme. Në ankandin e zhvilluar dje në Bankën e Shqipërisë, bonot me afat maturimi 12-mujor u emetuan me një normë mesatare interesi 5.73%, minimum i ri historik me ulje afro 0.2 pikësh përqindje nga ankandi i dy javëve më parë.

Që nga muaji janar i këtij viti, interesi për bonot 12-mujore ka rënë me pothuajse një për qind. Të njëjtën tendencë në rënie ndoqën edhe bonot me maturim 3-mujor, që u emetuan me një normë mesatare interesi prej 4.64%, nga 4.97% që ishte në ankandin e mëparshëm.

Interesat e bonove vazhdojnë të tërhiqen në ulje nga oferta e lartë për financim e sistemit financiar, që zotëron sasi të mëdha likuiditeti, por alternativa të pakta investimi.

Statistikat zyrtare dëshmuan një rritje shumë të ulët të portofolit të kredisë për ekonominë në tre muajt e parë të vitit dhe bankave e institucioneve të tjera financiare nuk u ngelet veçse të blejnë borxhin e qeverisë shqiptare.

Në dy ankandet e zhvilluara sot qeveria kërkoi një vlerë totale borxhi prej 15.4 miliardë lekësh, ndërsa oferta ishte 22 miliardë lekë.

Shkrimi u botua sot në gazetën Shqiptarja.com (print) 29.05.2013
 
Redaksia Online
(b.m/shqiptarja.com)

  • Sondazhi i ditës:
    26 Nëntor, 23:23

    A po japin rezultat protestat e PD-së?

Lajme të tjera



×

Lajmi i fundit

Sot Champions League është për ata me zemër të fortë! Liverpool pret Real Madridin, Juve e Dortmund në udhëtim

Sot Champions League është për ata me zemër të fortë! Liverpool pret Real Madridin, Juve e Dortmund në udhëtim

27 Nëntor, 08:43