Ulet numri i infektimeve dhe viktimave nga COVID-19 në Kosovë, 774 raste dhe 4 persona humbën jetën në 24 orët e fundit

KOSOVË- Në Kosovë gjatë 24 orët e fundit kanë rezultuar pozitiv me koronavirus 774 persona dhe janë raportuar 4 viktima.

Ditën e djeshme është shënuar një rekord negativ sa i përket numrit të infektimeve pasi u regjistruan 914 rast e pozitive, megjithatë sot ka pësuar një rënie. Edhe numri i viktimave është përgjysmuar, pasi dje humbën jetën 10 persona si pasojë e COVID-19.

Numri i pacientëve të cilët kanë arritur të fitojnë betejën me COVID-19 është 903, gjatë 24 orët e fundit.

Sipas IKSHPK-së rastet pozitive janë nga komunat: Prishtinë 274 raste, Gjilan 62 raste, Gjakovë 43 raste, Mitrovicë 38 raste, Vushtrri 36 raste, Pejë 31 raste, Prizren 30 raste, Lipjan 28 raste, Ferizaj 27 raste, Podujevë 26 raste, Kamenicë 25 raste, Viti 24 raste, Fushë-Kosovë 23 raste, Obiliq 21 raste, Klinë 16 raste, Drenas 11 raste, Kaçanik 10 raste, Malishevë 10 raste, Suharekë 9 raste, Deçan 8 raste, Novobërdë 4 raste, Skenderaj 4 raste, Junik 3 raste, Istog 2 raste, Kllokot 2 raste, Rahovec 2 raste, Shtime 2 raste, Shtërpcë 2 raste dhe Hani i Elezit 1 rast.

Rastet e vdekjes janë nga komunat: Ferizaj 2 raste (78, 73 vjeç) dhe Prishtinë 2 raste (78, 67 vjeç).

Numri total i infektimeve ka shkuar 88.755, ndërkohë që ai i viktimave është 1.844 në të gjithë vendin që nga fillimi i pandemisë, duke përfshirë edhe përditësimet e ditës së sotme.  

Procesi i vaksinimi në Kosovë do të nis ditën e nesërme, pas mbërritjes së 24 mijë dozave të para AstraZeneca nga COVAX.

Kryeministri Albin Kurti do të vaksinohet sot në orën 16:30.

J.GJ./Shqiptarja.com

TAG:
• kosove
• Koronavirus
• Vaksina Covid
• masat anticovid
• Viktimat Covid