Ulet numri i lindjeve, sociologia tregon faktorët që ndikojnë: Emigrimi dhe pasiguria në punësim! Çiftet e reja duan të kenë kushte kur bëjnë planifikim për familje

Sociologia Doralda Tanellari përmend emigrimin, pasigurinë e punësimit që ndikon në ekonomi si faktorë që kanë ndikuar në uljen e numrit të lindjeve në vendin tonë. E ftuar në Report Tv në emisionin ‘Sot live në Shqipëri’ me gazetarin Nertil Agalliu tha se çiftet e reja që nuk kanë stabilitet ekonomik pasi nuk kanë siguri për qëndrimin në një pozicion pune, nuk e planifikojnë një fëmijë ose mendojnë emigrimin se mund të kenë kushte më të mira.

“Nuk do përjashtoja emigrimin. Ajo që do veçoja si element shumë i rëndësishëm që lidhet dhe me pjesën socio ekonomike është punësimi. Shoh problematika që lidhen me punësimin e të rinjve dhe afatgjatësinë e tyre për të qëndruar në një vend pune. Kjo lidhet se të rinjtë apo familjet e reja nuk mund të krijohen nëse nuk kanë një stabilitet ekonomik. Është shumë e vështirë për një çift me kushte ekonomike e pasigurinë e punësimit të marrë përsipër që të sjellë në jetë një fëmijë. Zgjedhja është largimi i vendit. Shqiptarët sot mendojnë se të lindësh fëmijën jashtë vendit i siguron mundësinë për të patur nënshtetësi tjetër, kushte më të mira shëndetësore dhe shumë elementë të tjerë që ndoshta në Shqipëri i kanë në mangësi”, tha Tanellari.

Sociologia u shpreh se ka ndryshuar edhe struktura e familjes se gratë janë më të fokusuara në karrierë dhe mendojnë gjatë për sjelljen në jetë të një fëmije se duan t’i sigurojnë kushte.

“Struktura e familjes ka ndryshuar se ka numër më të ulët të martesave. Çiftet zgjedhin të bashkëjetojnë e të bëjnë fëmijë por jo të kenë martesë. Gratë sot kanë mundësinë të shkollohen, të ndërtojnë karrierën, gjë që shtyn kohën kur duan të krijojnë familje. Është i rëndësishëm vetëaktualizimi i individit.

Me ndryshimin e strukturës së familjes dhe dëshirë së individit për karrierë, shtyn edhe moshën e martesës e lindjes së një fëmije. Sot mendohen më tepër se sa dje për t’i ofruar kushte. Është shumë mirë që në Shqipëri ndodh tashmë planifikimi familjar për të krijuar kushtet e duhura por jo gjithmonë është në dorën e individit për të vendosur se kur duhet të jetë koha për të pasur një fëmijë apo jo”, tha Tanellari.

Numri i lindjeve në vendin tonë, për tremujorin e parë të vitit 2023, ka rënë në nivelin më të ulëta historike të regjistruara ndonjëherë më parë.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Jeni dakord që në Shqipëri të ndalohet përdorimi i euros për pagesa?



×

Lajmi i fundit

Alban Daci: Dorëzimi politik përballë një vendimi juridik

Alban Daci: Dorëzimi politik përballë një vendimi juridik