Arrat janë cilësuar si një nga ushqimet më të mira për shëndetin e zemrës pasi përmbajnë një nivel të lartë fibrash, proteinash dhe vitaminash. Sipas studimeve nga shkencëtarë nga Suedia dhe Norvegjia kanë treguar se konsumi i përditshëm i arrave mund të jetë shumë i dobishëm për shëndetin.

Rekomandohet të hani rreth 30 gramë (një grusht) arra në ditë, të cilat mund të ulin nivelet e kolesterolit dhe rrezikun e sëmundjeve kardiovaskulare.

Studimi, në të cilin morën pjesë pothuajse dy milionë njerëz, tregoi se rreziku i vdekjes për shkak të një ataku në zemër ose goditjeje në tru u ul me një të katërtën tek ata që konsumonin rregullisht arra.

Hulumtimi, i kryer nga ekipe nga Universiteti i Oslos dhe Instituti Karolinska në Stokholm, përfshinte 60 studime dhe 1.9 milion subjekte për të përcaktuar lidhjen midis konsumit të arrave dhe rrezikut të sëmundjeve kardiovaskulare, sëmundjeve të zemrës, goditjes në tru dhe diabetit të tipit 2.

Rezultatet treguan se njerëzit që konsumonin rreth 30 gramë arra çdo ditë kishin 19% më pak gjasa të zhvillonin sëmundje kardiovaskulare dhe 23% më pak gjasa të vdisnin nga këto sëmundje krahasuar me ata që hanin më pak.

Gjithashtu, dashamirësit e arrave kishin 18% më pak gjasa të zhvillonin sëmundje të zemrës dhe 25% më pak gjasa të vdisnin prej tyre.