POP 5

Lajmet më të lexuara të 5 minutave të fundit

Politikë

Ulja e numrit të lindjeve, Meta: Bonusi që jep qeveria i pamjaftueshëm, do hartojmë një program për të mbështetur familjet e reja

Kreu i Partisë së Lirisë, Ilir Meta ka reaguar pas një raporti të INSTAT, në të cilin thuhet se në tremujorin e dytë të këtij viti ka një ulje të lindshmërisë krahasuar me një vit më parë. Përmes një postimi në rrjetin social ‘Facebook’, Meta thotë se shpopullimi po e plak Shqipërinë.

Ulja e numrit të lindjeve, Meta: Bonusi që jep qeveria i pamjaftueshëm, do hartojmë një program për të mbështetur familjet e reja

Kreu i Partisë së Lirisë, Ilir Meta

TIRANË- Kreu i Partisë së Lirisë, Ilir Meta ka reaguar pas një raporti të INSTAT, në të cilin thuhet se në tremujorin e dytë të këtij viti ka një ulje të lindshmërisë krahasuar me një vit më parë. Përmes një postimi në rrjetin social ‘Facebook’, Meta thotë se shpopullimi po e plak Shqipërinë.

Sipas tij, bonusi i lindjes që jepet nga qeveria është shumë i ulët, në një kohë kur rritja e çmimeve të qirave, apo pagat e ulëta, po iu vështirësojnë jetën qytetarëve shqiptarë. Meta thotë se Partia e Lirisë do të hartojë një program për të mbështetur familjet e reja që do ta ndërtojnë të ardhmen këtu.

“Shpopullimi po e tkurr dhe po e plak Shqipërinë.  Një tjetër tregues negativ për vitin 2022, ku për tre mujorin e dytë regjistrohen 14.8% lindje më pak. Për familjet e reja bonuset e lindjes janë shumë të ulëta, ndërkohë që korrupsioni, papunësia, pagat e ulëta, çmimet e papërballueshme të banesave, cilësia e dobët e edukimit dhe mungesa e perspektivës ja u bën jetesën të papërballueshme.

Partia e Lirisë si një forcë e përkushtuar për të çrrënjosur shkaqet e shpopullimit do të ketë një program të veçantë për të mbështetur fuqimisht familjet e reja, që të ndërtojnë të ardhmen këtu dhe të lindin me guxim dhe gëzim fëmijët e tyre në një vend të sigurt, që kujdeset me dashuri dhe përgjegjshmëri për të ardhmen e tij. Koha është tani për të rikthyer shpresën dhe besimin se Shqipëria ka diell për të gjithë dhe së pari për fëmijët e saj”, shkruan Meta.

Meta i referohet raportit të INSTAT, në të cili thuhet se tremujorin e dytë të këtij viti ka 14,8 % më pak lindje në krahasim me të njëjtën periudhë një vit më parë, me një shifër prej 5.384 foshnjash të lindura. Qarku me numrin më të lartë të lindjeve është Tirana me 1.940 lindje, ndërsa qarku me numrin më të ulët është Gjirokastra me 85 lindje.

Aktualisht, bonusi i lindjes është 40 mijë lek për fëmijën e parë, 80 mijë lekë për fëmijën e dytë dhe 120 mijë lekë për fëmijën e tretë.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Vera: 15/08/2022 12:52

    Shume bukur. Ktheji pasurite qe I ke grabitur ketij vendi dhe do mjaftoje per mbeshtetjen e familje e te reja e me teper Hipokrit dhe mashtrues ordiner

    Përgjigju
  • Iris: 15/08/2022 02:01

    Like,jo te gjithe shqipot kane mundesi t'i edukojne femijet ne Londer,jo te gjithe femijet kane babi dhe mami qe te kene pasuri e prona pa fund dhe te shesin cdo vit nga nje apt.jo do ku do,por mu ne qender te Tiranes me cmime qe tregojne ritjen e vleres se prones,sipas Lali Erit,jo te gjithe femijet e kane te siguruar te ardhmen me poste pellumbash sepse babi dhe mami jane pjese e elites. Jo te gjithe femijet mund te shohin me shprese ne te ardhmen,e te rrine ne vend,kur shohin se pleq te korruptuar e te konsumuar,nuk largohen nga postet,bile duan te rikthehen e te qendrojne perjetesisht ne ato karrige kur jane shume te larta!Shqipot dhe po te arrijne te lindin aty, ka me shume mundesi t'i rrisin femijet jashte,pikerisht per keto mundesi qe i gezon elita,por jo shumica dhe si rrjedhim,popullsia do te vazhdoje te plaket,po keshtu dhe shpopullimi i vendit do te vazhdoje.

    Përgjigju
  • Hah: 14/08/2022 21:23

    Po te kishe vjedhur ti dhe ky qe te uli ne ate karige me pak o plehre do kishte mbetur ndonje lek me shume te ritej ndoshta

    Përgjigju
  • Bora: 14/08/2022 19:21

    Po si e pamjaftueshme vetem ne 4 vitet e fundit eshte rritur me shume se dyfish

    Përgjigju
  • Blerim: 14/08/2022 19:20

    Kur do e hartoni o trim se sdo ju vij mundesia kurre te jeni ne pushtet

    Përgjigju
  • kastriot: 14/08/2022 16:21

    nuke te kuptojme ke shpres te vishe ne pushtet kete thua ,ore mbush mire ti o qe ske lene poste pa provuar ne politike keto 30 vjete dhe ase nje gje nuke bere vetem ke vjedhure e mashtruar

    Përgjigju
  • Era: 14/08/2022 14:31

    Eshte bere per gjynah i shkreti. Mbas 30 vjetesh qe provoi cdo karrige pushteti po i bie ndermend per hqallet e popullit. Shqetesohu per maskarrelleqet e tua o like qe po i vuajne cdo dite njerezit e thjeshte. Eshte teper vone per ty te luash akoma teater me popullin e atdheun tend te dashur.

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu