POP 5

Lajmet më të lexuara të 5 minutave të fundit

Bota

Ulja e varësisë nga energjia ruse, Azerbajxhani do të rrisë eksportet e gazit në Evropë më 30%

Azerbajxhani do të rrisë këtë vit eksportet e gazit në Evropë për 30 për qind, në kohën kur Bashkimi Evropian synon të ulë varësinë në energjinë ruse.

Ulja e varësisë nga energjia ruse, Azerbajxhani do të rrisë eksportet e gazit në Evropë më 30%

Foto ilustruese

Azerbajxhani do të rrisë këtë vit eksportet e gazit në Evropë për 30 për qind, në kohën kur Bashkimi Evropian synon të ulë varësinë në energjinë ruse. Ministri i Energjisë në Azerbajxhan, Parviz Shahbazov, tha se në tetë muajt e këtij viti, Bakuja e ka furnizuar Evropën me 7.3 miliardë metra kub gaz natyror.

“Furnizimet e përgjithshme me gaz në Evropë për vitin 2022 do të arrijnë në 12 miliardë metra kub,  rritje për 31 për qind në krahasim me vitin 2021”, shkroi ai në Twitter.

Shahbazov tregoi se prodhimi i gazit natyror është rritur për 10 për qind në periudhën janar - gusht 2022, duke arritur në 30.6 miliardë metra kub.

Presidentja e Komisionit Evropian, Ursula von der Leyen propozoi ditë më parë vendosjen e çmimeve tavan ndaj gazit natyror që importohet nga Rusia, në kohën kur Vladimir Putin, është zotuar se do t'i ndalë eksportet e naftës dhe gazit për të gjitha shtetet që vendosin çmim tavan.

Në muajin korrik, BE-ja dhe Bakuja kanë nënshkruar memorandum mirëkuptimi për të dyfishuar sasinë e gazit të importuar nga Azerbajxhani në të paktën 20 miliardë metra kub deri më 2027.

Pas vendosjes së sanksioneve të Perëndimit ndaj Rusisë për luftën në Ukrainë, Moska ka nisur t'i zvogëlojë furnizimet me gaz në Evropë, ndaj Bashkimi Evropian po kërkon rrugë alternative.

D.GJ/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Dita e parë në detyrë e kreut të Pentagonit, paralajmëron ndryshime të thella

Dita e parë në detyrë e kreut të Pentagonit, paralajmëron ndryshime të thella

27 Janar, 18:02