TIRANE - Vijoi edhe sot protesta e banorëve të "Unazës së Re" në ditën e 30-të të saj. Banorët, një pjesë e të cilëve të veshur me jelekë portokalli të frymëzuar nga "jelekverdhët" (protestuesit francezë), si çdo ditë, bllokuan të dyja anët e rrugës duke paralizuar edhe qarkullimin e automjeteve. Në mbështetje të protestuesve ishin edhe deputetët e PD si Flamur Noka, Oriola Pampuri, Klevis Balliu dhe Edmond Spaho. Ndryshe nga ditët e kaluara, protesta e sotme e banorëve nuk kryesohej nga kryedemokrati Lulzim Basha. Pas rreth dy orësh, protesta ka përfunduar dhe për rrjedhojë është liruar edhe rruga.
Banorët kundërshtojnë prishjen e shtëpive të tyre të cilat preken nga projekti i zgjerimit të "Unazës së Madhe". Një pjesë e banorëve kanë lënë banesat e tyre pa leje dhe kanë përfituar strehim te banesat sociale në Shkozë, ndërsa të tjerët kundërshtojnë dhe prej 30 ditësh protestojnë kundër projektit. Nga ana tjetër IMT vijon prishjen e ndërtesave pa leje, ndërsa paralelisht ekspertët e ARRSH vijojnë punën për rivlerësimin e objekteve.
Banorët e "Unazës së Re" pas rreth dy orësh, kanë mbyllur protestën në ditën e 30-të të saj. Për rrjedhojë është liruar edhe rruga e ka rinisur qarkullimi i automjeteve. Protestuesit paralajmëruan se nuk do dorëzohen dhe do mbrojnë me çdo kusht pronat e tyre. “Jemi me të drejtën e fëmijëve tanë. Të gjithë kemi të drejtat tona dhe të gjithë paguajmë taksat. Duam të drejtën tonë dhe të bëjë çfarë të dojë. Nuk jemi kundër projektit, por duam djersën tonë”- u shpreh një qytetar.
Ata i bëjnë thirrje kryeministrit Edi Rama dhe kryebashkiakut Veliaj që të mos shkelin mbi djersën e tyre. “Do vazhdojmë të mbrojmë pronat tona, të gjithë kemi të drejtat tona, paguajmë taksat”, shprehet një tjetër qytetar. Në mbështetje të banorëve ishin edhe disa prej deputetëve të PD, ndërsa ra në sy mungesa e Lulzim Bashës.
Deputeti demokrat, Klevis Balliu tha gjatë protestës te "Unaza e Re" se qeveria po kërcënon banorët të cilët kundërshtojnë prishjet e shtëpive për t'i hapur rrugë zgjerimit të Unazës së Madhe. Sipas Balliut, pranë banorëve qëndrojnë makina me xhama të zinj, ndërsa shtoi se protestuesve u janë dërguar njerëz në shtëpitë e tyre për t'i kanosur që të heqin dorë nga protestat. "PD do mbështetesë çdo qytetar i cili del për të protestuar për një kauyë të drejtë. Do ta tregojmë me çdo banor që ka të drejtë lëgjitime dhe kushtetuese. Qeveria të mos provokojë banorët, të mos sjellë makinat me xhama të zinj sepse do të marrin përgjigjen e merituar. Shumë qytetarë janë kërcënuar në shtëpitë e tyre. Këtyre t'u jepet fund ose do mbahet përgjegjësi si asnjëherë më parë. Qytetarët t'i bashkohen këtyre banorëve për kauzën e pronës dhe kauzën e jetës, sepse po të iku shtëpia, të ka ikur jeta", u shpreh Balliu.
Në ditën e 30 të saj, banorët kanë bllokuar sërish rrugën në të dyja anët e saj, duke paralizuar qarkullimin e automjeteve. Përballë kësaj situate, një kamion i mbërritur aty në momentin kur sapo kishte nisur protesta, ka vijuar udhëtimin duke kaluar përmes turmës. Megjithatë, siç duket edhe nga pamjet e siguruara nga Report Tv, janë vetë banorët ata të cilët kanë lejuar kalimin e kamionit të tonazhit të rëndë. Ky moment është shoqëruar pa incidente në njerëz, ndërsa në sfond dëgjohen thirrjet e protestuesve "Poshtë projekti". Pak ditë më parë ishte një fuoristradë e cila kaloi me shpejtësi përmes protestuesve.
Të veshur si 'jelekverdhët francezë'. Kështu kanë dalë në protestë një pjesë e banorëve të 'Unazës së Re' sot në ditën e 30-të të saj. Siç duket edhe nga këto fotot, ata mbajnë veshur jelekë fosforeshentë. Banorët kanë lëshuar thirrje kundër qeverisë, ndërsa paralajmërojnë se s'do i lëshojnë shtëpitë e tyre.
Protestuesit të veshur me jelekë fosforeshentë
Protesta e banorëve të "Astirit" vijon prej 30 ditësh kundër shembjes së banesave që do t'i hapin rrugë zgjerimit të "Unazës së Madhe".
Komente
Lajme të tjera
-
Kopshti i ri në Njësinë 10, Veliaj: Do buxhetojmë sërish për çerdhe dhe kopshte të reja! Revolucion edhe për ushqimin falas të nxënësve nëpër shkolla
25 Nëntor, 15:40 -
Më 31 dhjetor hapet plotësisht Unaza e Madhe! Bypass i Tiranës 'peng' i negociatave me BE
6 Nëntor, 15:21
-
Pamjet me dron/ Shikoni punimet e Unazës së madhe në Tiranë
2 Nëntor, 15:37 -
Unaza e Madhe e Tiranës do përfundojë brenda 2024-ës, në lotin e 6- të shpejtësia deri 140 km/orë
14 Tetor, 17:53 -
Vijojnë punimet për ndërtimin e Unazës së Madhe, projekti gati deri në fund të vitit
30 Shtator, 11:37 -
Unaza e Madhe, realizohen mbi 70% e punimeve në urën mbi lumin e Tiranës
20 Shtator, 08:54 -
Tiranë/ Aksidenti i trefishtë tek Unaza e Madhe, krijohet trafik i rënduar prej Kodrës së Diellit deri në Sauk
13 Gusht, 19:58 -
Punimet për ndërtimin e Unazës së Madhe të Tiranë, pamjet me dron! Rama: Krijon akses me çdo portë hyrëse dhe dalëse në kryeqytet
22 Korrik, 10:45 -
Denoncimi i grupit të Bashës: 6 vite për 300 metra rrugë në Unazën e Madhe të Tiranës, Balluku premtoi përfundimin e punimeve në shtator 2023
20 Qershor, 15:39 -
Unaza e Madhe, realizohen 55% e punimeve në urat mbi lumin e Tiranës (FOTO)
20 Qershor, 10:46 -
VIDEO/ Realizohen rreth 70% e punimeve në lotin e 7 të Unazës së Madhe
30 Maj, 11:45 -
Pamjet nga punimet në Unazën e Madhe të Tiranës, Rama: Përfundon në fund të këtij viti
8 Maj, 16:51
Qesharake! Ne France jane ngritur per renien e fuqise blerese ( rritja e karburanteve ishte pika qe derdhi kupen). Keta ngrihen per ndertimet pa leje. Totalisht patetike.
Përgjigju