TIRANË- Banorët e Unazës së Re kanë rinisur protestën pasditen e kësaj të shtune, duke hyrë kështu në ditën e 14-të të saj. Banorët e zonës së Astirit, kundërshtojnë ndërtimin e Unazës së Madhe dhe prishjen e banesave, pasi sipas tyre, vendimi për shembjen e banesave i ka zënë të papërgatitur.
Në protestën që është zhvilluar sot tek Unaza e Re kanë marrë pjesë sërish deputetët e Partisë Demokratike, të cilët janë rreshtuar në krah të banorëve. Ndërkohë që është ndërprerë edhe ndricimi publik në këtë zonë.
Banorët e Astirit kanë bllokuar rrugën tek Unaza e Re dhe kanë paralajmëruar se nëse nuk do të ketë një përgjigjie, atëherë ditën e nesërme do të bllokojnë rrugën pa afat.
"Nesër bllokojmë rrugën pa afat, nëse nuk ka një përgjigjie nga Bashkia."-janë shprehur banorët.
Policia ndodhet në zonën ku po protestohet dhe po ndërhyn për të lehtësuar lëvizjen, por shumë makina janë kthyer pas.Kryetari i Bashkisë Tiranë, Erion Veliaj reagoi sërish pasditen e sotme për këtë projekt dhe tha se ata që protestojnë kundër Unazës së Madhe, lëvizin me makina të shtrenjta dhe se bashkia tashmë e ka ofruar zgjidhjen që është bonusi i qirasë për një afat prej 3 vitesh. (Lexo këtu).
Sot ishte dita e 14 e protestës së banorëve. Më datë 15 nëntor, ata protestuan përpara Bashkisë së Tiranës, duke hedhur molotov, tymuese dhe duke tentuar të futen me forcë brenda bashkisë. Nga protesta mbetën të lënduar 7 policë bashkiakë. Banorët e "Unazës së Re" po mbështeten që nga dita e parë e protestës nga e tërë Partia Demokratike. Kjo e fundit e ka cilësuar projektin e "Unazës së Madhe" një mashtrim, që nuk ka aspak transparencë ligjore.
Për projektin e "Unazës së Madhe" parashikohet që të prishen 317 objekte, 163 prej të cilëve janë në proces legalizimi dhe do të skualifikohen dhe 123 janë me vërtetime pronësie. Mes banesave që janë prekur nga plani dhe pritet që të prishen është edhe ajo e Nexhmije Hoxhës,bashkëshortes së ish-udhëheqësit komunist, Enver Hoxha.
Lajme të tjera
-
Pamjet me dron/ Shikoni punimet e Unazës së madhe në Tiranë
2 Nëntor, 15:37 -
Unaza e Madhe e Tiranës do përfundojë brenda 2024-ës, në lotin e 6- të shpejtësia deri 140 km/orë
14 Tetor, 17:53 -
Vijojnë punimet për ndërtimin e Unazës së Madhe, projekti gati deri në fund të vitit
30 Shtator, 11:37 -
Unaza e Madhe, realizohen mbi 70% e punimeve në urën mbi lumin e Tiranës
20 Shtator, 08:54 -
Dalin dokumentet e CIA: Pse ra plani për eleminimin e Nexhmije Hoxhës?!
1 Shtator, 19:26 -
Tiranë/ Aksidenti i trefishtë tek Unaza e Madhe, krijohet trafik i rënduar prej Kodrës së Diellit deri në Sauk
13 Gusht, 19:58 -
Punimet për ndërtimin e Unazës së Madhe të Tiranë, pamjet me dron! Rama: Krijon akses me çdo portë hyrëse dhe dalëse në kryeqytet
22 Korrik, 10:45 -
'Nga tornitore, më bënë deputete, dhe nënkryetare e Kuvendit': Historia e pazakontë e Mine Gurit
30 Qershor, 22:36
-
Denoncimi i grupit të Bashës: 6 vite për 300 metra rrugë në Unazën e Madhe të Tiranës, Balluku premtoi përfundimin e punimeve në shtator 2023
20 Qershor, 15:39 -
Unaza e Madhe, realizohen 55% e punimeve në urat mbi lumin e Tiranës (FOTO)
20 Qershor, 10:46 -
VIDEO/ Realizohen rreth 70% e punimeve në lotin e 7 të Unazës së Madhe
30 Maj, 11:45 -
Pamjet nga punimet në Unazën e Madhe të Tiranës, Rama: Përfundon në fund të këtij viti
8 Maj, 16:51
