Unaza e re/ Mashtrimi i DH Albania, shteti fiton 2.6 milion dollarë nga kompania e sigurimit

TIRANE -Shteti shqiptar, përmes Autoritetit Rrugor Shqiptar, ka fituar gjyqin në Shkallën e Parë ndaj kontratës me DH Albania për ndërtimin e lotit të parë tek "Shqiponja" në projektin e Unazës së Re. Kompania DH Albania edhe pse fitoi këtë kontratë, rezultoi më tej të kishte falsifikuar dokumentacionin çka solli përjashtimin e saj nga ky projekt.

Por kush duhet të paguajë për këtë?

Sigurim kontrata mes DH Albania dhe ARRSH, ishte në garancinë e dy kompanive të sigurimit. Që do të thotë se të gjitha dëmet që vijnë nga kjo kontratë e lidhur mes privatit dhe shtetit i ka për detyrë t'i paguajnë kompanitë e sigurimit.

Në seancën e mbajtur sot në Gjykatën e Tiranës, ku shteti shqiptar kishte paditur kompaninë e sigurimit, ARRSH fitoi 2.6 milion dollarë, që do të paguhen pikërisht nga dy kompanitë e sigurimit si garante të kontratës së lidhur nga DH Albania për ndërtimin e Unazës së Re.

Pas provave dhe argumenteve të paraqitura nga juristët e ARRSH, gjykata ka dhënë vendimin e saj, duke pranuar tërësisht padinë e bërë sipas objektit të kërkesë padisë.

Në këtë mënyrë shtetit shqiptar jo vetëm që nuk i është shkaktuar asnjë dëm ekonomik nga situata e krijuar në këtë projekt prej shoqërisë “Biba X shpk + DH Albaniashpk”, por do të arkëtohen edhe rreth 2.6 milionë USD si dëmshpërblim nga kompanitë e sigurimit.

G.M./Shqiptarja.com
  • Sondazhi i ditës:

    Rihapet çështja Gërdeci, a mendoni se do të bëhet drejtësi për këtë tragjedi?

Komento

Komente

  • arsen: 24/07/2019 17:06

    Mendoj se ju te redaksis kur jepni konkluzione duhet thelloheni me shume. Nuk eshte gjykim ky qe beri mire DH Albania se nuk na demtoi por fituam 2.6 milion dollare. Po termat vjedhje e mbetur ne tentativ, vrasjet e mbetura ne tentativ se ndoshta duke i gjobitur autoret mund te perfitoj shteti dhe ky eshte zbulimi mjafte fitim prures. s

    Përgjigju
  • Vladimir: 24/07/2019 12:36

    Me se fundi nje lajm i bukur. Privati do paguaj dhe shteti do te inkasoje. Ju lumte te gjithe specialisteve te struktures qe e fituan çeshtjen!

    Përgjigju


×

Lajmi i fundit

John

Pas kthimit nga SHBA, kryeministri Rama viziton ditën e hënë Kosovën