“Ky është Dritëroi im”, është titulli i librit më të ri kushtuar Dritëro Agollit, i cili del në dritën e botimit në një situatë të vështirë të krijuar nga pandemia Covid -19, sicc njofton e bija e shkrimtarit Elona Agolli. Ajo shprehet se projekti për librin me kujtime “u la në mes” nga bashkëshortja e shkrimtarit të madh Sadije Agolli, e cila ndërroi jetë në mënyrë të papritur një vit më parë. Ndërsa shkrimtari i madh Dritëro Agolli ndërroi jetë tre vjet më parë, në këtë libër me kujtime Dritëro Agolli vjen i gjallë dhe me një profil të plotë për vetitë e tij të rralla njerëzore.
Libri që sapo ka dalë në qarkullim nga Shtëpia Botuese “Dritëro” ka rreth 1000 faqe me kujtime dhe mbresa kushtuar për këtë personalite të shquar të letrave shqipe.
Në librin “Ky është Dritëroi im” janë përfshirë plot 120 autorë. Mes tyre, ka shkrimtarë dhe publicistë, personalitete të njohura të artit dhe të kulturës, të politikës e të shkencës, të botës akademike e personalitete nga fusha të ndryshme të jetës e veprimtarisë shoqërore.
Të gjithë kanë rrëfyer lirshëm dhe pa fshehur asgjë nga mënyra e sjelljes dhe e jetesës së shkrimtarit. Të gjithë shkruajnë atë që kanë parë e përjetuar për shkrimtarin dhe poeti e madh shqiptarë. Ndërsa e bija Elona Agolli publikon lajmin e daljes në dritë të librit “Unë kam Dritëroin tim”, kujton përpjekjet e Sadije Agollit që zgjodhi këtë mënyrë për të bërë biografinë e shkrimtarit: të shkruhej për të ashtu si e kemi njohur.
“ Nuk do ta mbarojmë dot këtë libër. Vështirë më duket “ - shpesh më pêrsëriste mami, kur të dyja bënim përmbledhjen e shkrimeve të dërguara apo faqet e redaktuara bashkarisht. Dhe ndodhi që pa u përfunduar redaktimi , mami të ndahej nga jeta. Ajo parandjente diçka , ndjente që nuk do ta përfundonte këtë libër të nisur me aq pasion e këmbëngulje nga vetë ajo . Parandjente që thirrja e babit për t’u përafruar me të , ishte shumë e fortë.
Mes mëdyshjeve , trishtimit të humbjes së mamit, vullnetit dhe mosvullnetit, apatisë dhe plogështisë që të fal gjendja depresive, ditëve të gjata e të zvarrisura ngjyrë gri dhe netëve të bardha e të pagjuma , shqetësimi për mbajtjen e premtimit të dhënë mamit , se librin do ta botonim dhe do tē ishte ndër librat e kujtimeve më interesantë për anën njerëzore të Dritëroit , apo Dritëroin Njeri ( me Nj të madhe) , ky shqetësim kishte marrë zë , dhe shpesh e gjeja veten duke folur me zë të lartë : Do ta botoj librin e kujtimeve dhe do ta kushtoj ty mam .”, shkruan ndër të tjera Elona Agolli, e cila shprehet më tej se:
“E ky libër , edhe për këtë arsye herë-herë , më ngjason si nje trup me plagë , i mpakur , i dridhur, i ligështuar , pasi ajo që donte me gjithë shpirt ta shihte të lindur, të përplotë e ashtu siç e meritonte Dritëroi , ishte Sadija dhe mami nuk arriti të gëzohej.
E megjithatë libri doli , do të lexohet nga të shumtët lexues e dashamirës të Dritëroit , të cilët duan të zbulojnë “të paditurat” e jetës së poetit e shkrimtarit të zemrës.
Pranvera mund të ikë sić erdhi , pa u ndjerë, por le të lexojmë e të ndiejmë freski e pranverë në kujtimet për Dritëroin .”
Kujtimet e rëfenjat e bukura në librin vijnë si dëshmi të jetuara, duke gdhendur në kujtesën e lexuesit jo vetëm profilin e shkrimtarit të madh që mbeti aq njerëzor e zemrëmadh deri në fund të jetës së tij. Kjo dëshmi e pesonalietit të tij vjen në këtë libër nga Ismail dhe Helena Kadare, Rexhep Qosja, Moikom Zeqo, Zija Çela, Frrok Çupi, Teodor Keko, Ilir Meta, Pandeli Majko, Arben Malaj, Besnik Mustafaj, Preç Zogaj, Sabit Brokaj, Bardhyl Londo, Muntaz Dhrami, Ali Aliu, Margarita Xhepa, Diana Çuli, Natasha Lako, Shaban Sinani, Pëllumb Kulla, Visar Zhiti, Bujar Kapexhiu, Ekrem Bardha, Skënder Buçpapaj, Timo Flloko, Mevlan Shanaj, Luan M. Rama, Ardit Gjebrea, Zhani Ciko, Piro Milkani, Mimoza Ahmeti, Mentor e Shpëtim Nazarko, Petrit Ruka, Justina Aliaj, Lazër Stani e të tjerë, e të tjerë.
Lajme të tjera
-
Në përvjetorin e lindjes së Dritëro Agollit, shtëpia e shkrimtarit hapet si muze! Vajza: Eksperiencë e paharrueshme! Veliaj: Familja e tij sot janë të gjithë shqiptarët
13 Tetor, 14:17 -
‘Në Shqipëri kujtojnë vetëm të këqijat’, raportet mes Kadaresë e Agollit dhe takimi i fundit! Dritëroi: Pa kundërshtim s’mund ta duash tjetrin (VIDEO)
3 Korrik, 08:27 -
Përkujtohet ditëlindja e Dritëro Agollit, mungon muzeu! Banesa ku lindi shkrimtari e rrënuar
13 Tetor 2023, 19:21
-
‘Si na shpëtoi Dritëro Agolli, kur na dënuan me gjashtë muaj në prodhim, pasi te dokumentari për uzinën ‘Enver’, kishim nxjerrë…’/ Dëshmia e rrallë e gazetares
6 Qershor 2023, 07:53
-
6 vite pa kolosin e letrave shqipe, Veliaj: Këtë vit i shtojmë Tiranës Muzeun 'Dritëro Agolli'
3 Shkurt 2023, 21:57 -
Dy kartolin-letra të panjohura nga Dritëroi dhe gjakovari Hajdar Dushi
25 Dhjetor 2022, 18:34
-
‘Dritëroi e ndjente se do të na mungonte’, Meta përkujton 91 vjetorin e lindjes së shkrimtarit: Bashkë-udhëtar inkurajues në rrugëtimin tim politik
13 Tetor 2022, 08:57 -
‘Me qetësi dhe poezi’, Meta na përshëndet me ‘Këtu s'do jem’ në 5-vjetorin e ndarjes nga jeta të Dritëro Agollit
5 Shkurt 2022, 12:33 -
“U largua i trishtuar”, Pëllumb Xhufi ndan kujtimet me Dritëro Agollin, telefonatat në orët e vona dhe tre dobësitë që ‘e detyruan’ të bëhej poet: Aksioni i tij politik ishte…
3 Shkurt 2022, 17:58
-
'Parti-Enver, jemi gati kurdoherë', fjalimi i famshëm i Dritëro Agollit që tërboi socialistët dhe një paralele me Kuvendin e Berishës
7 Dhjetor 2021, 13:26
-
Kryebashkiaku i Tiranës dhe dekani i Filologjikut, memorandum bashkëpunim për projekte, Veliaj: Kthejmë shtëpinë e kolosit të letrave, Agollit në muze
26 Tetor 2021, 14:18 -
4 vite pa Dritëro Agollin, mbrëmje poetike në Gjirokastër
25 Tetor 2021, 15:48
