UNESCO thirrje për pasuritë kulturore
“të mbrohen nga shkatërrimi”

PHNOM PENH- UNESCO bëri një apel për udhëheqësit e botës, të bëjnë të mirën e tyre për të mbrojtur vendet e trashëgimisë botërore në vendet që aktualisht po përjetojnë një konflikt të brendshëm. Kërkesa u bë në hapjen e sesionit të 37-të të Komitetit të Trashëgimisë Botërore në kryeqytetin e Kamboxhias.

Samiti që do të vazhdojë deri më 27 qershor do të konsiderojë nëse një pjesë e mirë e trashëgimisë natyrore dhe kulturore të 32 shteteve në mbarë globin do të vendosen në listën e vendeve të trashëgimisë botërore. Rreth 1,300 delegatë të huaj nga më shumë se 120 vende janë duke marrë pjesë në këtë konferencë të UNESCO-s, organizimi botëror i ngarkuar me ruajtjen pasurive natyrore dhe kulturore.

Drejtorja e përgjithshme e UNESCO-s Irina Bokova, tha se liderët ndërkombëtarë duhet të punojnë së bashku për të mbrojtur pasuritë kulturore dhe natyrore kudo në botë dhe vuri theksin në konfliktet që kanë përfshirë Sirinë dhe Republikën Qendrore Afrikane, ku lokalite apo monumente janë dëmtuar rëndë gjatë dhunës së vazhdueshme.

Kamboxhia kryeson sesionin e 37-të të Trashëgimisë Botërore dhe Tempujt Wat Angkor u vendosën në listën botëore të pasurive të UNESCO-s. Kompleksi i tempujve Angkor Wat është simboli më i rëndësishëm kombëtar dhe përfaqëson kulturën Khmer dhe njerëzit kamboxhiane.

Redaksia Online
(lc/by/shqiptarja.com)