TIRANE- Fillimi i janarit do të shënojë edhe nisjen e akreditimit për të gjitha universitetet publike dhe private në vend nga agjencia britanike e cila pak ditë më parë lidhi kontratën me Ministrinë e Arsimit. Për drejtuesit e kësaj ministrie, procesi i akreditimit në tërësi pritet që të jetë i gjatë, ndërkohë sa i përket fazës së parë ajo pritet të përfundojë në fund të këtij viti akademik.
 
Akreditimi
Zv/ministri i Arsimit, Arbjan Mazniku shpjegon se faza e parë e akreditimit të bëjë një vlerësim të anës institucionale, dokumentacionin ligjor që ato disponojnë, dhe a i kanë plotësuar kushtet për licencimin e tyre. Faza tjetër do të jetë akreditimi i çdo programi. "Faza e parë është akreditimi institucional e cila vërteton se nga këndvështrimi i funksionimit të institucionit, dhe nga formimi strukturor, institucioni është i plotë dhe mund të funksionojë siç duhet dhe më pas do të kemi një fazë të dytë e cila merret me akreditimin e secilit program specifik studimor që ofrojnë.